"Demirören" Azərbaycanda dərman zavodunu "Abdi İbrahim"in dəstəyilə quracaq - 500 İŞ YERİ

"Demirören" Azərbaycanda dərman zavodunu "Abdi İbrahim"in dəstəyilə quracaq - 500 İŞ YERİ

Türkiyənin "Demirören Holding" şirkəti Azərbaycana sərmayələrinə davam edir.

Marja.az xəbər verir ki, Holdinq "Azərlotoreya"nı idarəetməyə götürdükdən sonra, Azərbaycanda dərman zavodu quracaq. Yatırılan sərmayə təxminən 500 nəfərə məşğulluq təmin edəcək.

Dünən paytaxt Bakıda Anlaşma Memorandumu imzalanıb. Mərasimdə Azərbaycanın İqtisadiyyat naziri Mikayıl Cabbarov, "Demirören Holding"in İdarə heyətinin sədri Yıldırım Demirören və Türkiyənin Azərbaycandakı səfiri Cahit Bağçı iştirak edib.

"Demirören Holding"in İdarə heyətinin sədri Yıldırım Demirören, "Bu sərmayə əczaçılıq sektoruna iki mərhələlədə yatırılacaq. Allah qismət etsə, ilkini üç ildə bitirəcəyik. Sonra ikinci etapa başlayacağıq. 500 nəfərə iş yeri açılacağını gözləyirik. Əczaçılıq sektorunun qabaqcıl adlarından olan Türkiyənin "Abdi İbrahim" şirkətindən araşdırma və inkişaf (AR-GE) dəstəyi alaraq bu işi aparacağıq" deyib.

Türkiyənin Azərbaycandakı səfiri Cahit Bağçı bildirib ki, Azərbaycana yatırılan bu sərmayə Müstəqil Dövlətlər Birliyinə (MDB) genişlənmək imkanı yaradacaqdır.

50 MİLYON DOLLAR SƏRMAYƏ

Xəbər verdiyimiz kimi, Azərbaycanın İqtisadiyyat Nazirliyi qardaş Türkiyənin “Demirören” Holdinqi ilə əczaçılıq məhsullarının istehsalı və satışına dair Anlaşma Memorandumu imzalayıb. Bunu iqtisadiyyat naziri Mikayıl Cabbarov bildirib.

"İqtisadiyyatımıza 40 milyon dollar investisiya yatırımını təmin edəcək layihə çərçivəsində qabaqcıl təcrübələrin tətbiqi və yeni iş yerlərinin yaradılması istiqamətində mühüm nəticələr əldə edəcəyik",- nazir qeyd edib.

Demirören-Holding Yıldırım-Demirören Cahit-Bağçı dərman zavod əczaçılıq Abdi İbrahim

17.12.2021 07:43

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az