Türkiyədə aparıcı özəl səhm və vençur kapital şirkətlərindən biri olan “Re-Pie Asset Management Company” (Re-Pie), Qara dəniz və Xəzər dənizi regionu ölkələrində investorlara xidmətlər göstərən “Blackgarden”  (Advisory / M&A/ Private Equity) ilə strateji əməkdaşlığını elan edib.

"Biz "Blackgarden" komandası ilə əməkdaşlıq etməyi səbirsizliklə gözləyirik. Biz regiondakı müştərilərimizə və investorlarımıza fəaliyyətimizdən yaranan uzunmüddətli dəyərin çatdırılmasına fokuslanmışıq. Biz inanırıq ki, "Blackgarden"ın nəticə yönümlü yanaşması və yüksək keyfiyyətli biznesləri dərindən, fundamental dərk etməsi "Re-Pie" üçün böyük sinerji yaradacaqdır" - deyə, Re-Pie Asset Management-in sədri Dr. Emre Çamlibel bildirib.

“Re-Pie” Türkiyədə daşınmaz əmlak investisiya fondlarının və vençur kapital investisiya fondlarının idarə edilməsi ilə məşğul olan, İstanbul şəhərində yerləşən aktivlərin idarəedilməsi (asset management) şirkətdir. "Re-Pie" 17 daşınmaz əmlak və 14 vençur kapital investisiya fondlarını təsis edib və hal-hazırda idarə edir.“Re-Pie”, “Getir”-in investorlarından biridir.  “Getir” Türkiyyənin unicorn-u olan və 7.7 milyard ABŞ dolları dəyərinə qiymətləndirilən və dünya miqyasına genişlənən startapdır. “Re-Pie” 22 özəl sərmayə (private equity) və vençur kapital investisiyaları ilə tanınır. Bunların arasında məşhur “Colendi” və “Turk.Net” yer alıb. Şirkətin idarə etdiyi portfelin ilin sonuna qədər 5 milyard TL-yə çatacağı gözlənilir (350 milyon ABŞ dolları).

“Re-Pie” və “Blackgarden”, investorlara regional sərmayə layihələrinə çıxış, daha yüksək gəlir əldə etmək və daha çox diversifikasiyaya nail olmaq imkanı təmin etmək üçün müvafiq xidmət bazasını genişləndirəcəklər.

“Blackgarden Advisory” fərdi investisiyalar, biznesin satınalınması və satışı (Mergers & Acquisitions) və bizneslərə strateji məsləhət xidmətlərini göstərən və mərkəzi ofisi Bakıda yerləşən şirkətidir. “Blackgarden”in xidmətləri Azərbaycan, Türkiyə, Ukrayna, Gürcüstan, Qazaxıstan, Yaxın Şərq bazarlarını əhatə edir. "Blackgarden" həmçinin ABŞ, BK və MŞA (Mərkəzi və Şərqi Avropa) bazarları ilə maraqlanan müştərilərə də xidmətlər göstərir.

“Blackgarden Advisory” fərdi və korporativ investorlara, sahibkarlara və ailə bizneslərinə, biznes və fərdi investisiyalar və yatırımlar sahəsi üzrə  xidmətlər təqdim edir. “Blackgarden Advisory”nin nəticə yönümlü praktikası, onları tez bir zamanda regionda etibarlı biznes məsləhətçisinə və mürəkkəb məsələlərdə həll təqdim edən tərəfdaş kimi tanıdıb.

''Re-Pie Asset Management Company" ilə əməkdaşlıqlığımız böyük əhəmiyyət kəsb edir. "Re-Pie"-ın bazarda aparıcı nüfuzuna, dəyərli strateji xidmətlərinə görə ideal tərəfdaş kimi görürük'' - deyə "Blackgarden Advisory" şirkətinin həmtəsisçisi Emin Kərimov bildirib.

Həmçinin "Re-Pie" "Blackgarden" ilə əməkdaşlıq çərçivəsində Azərbaycana fokuslanacaq özəl sərmayə fondunun qurulması niyyətini də açıqlayıb.

"Birgə fəaliyyətimiz bizi olduqca həyəcanlandırır. Çünkü fokuslandığımız regionda bizim əməkdaşlağımız, investorlar üçün olduqca dəyərlidir. Biz ambisiyalı investisiya planlarımızı həyata keçirmək üçün birgə işləməyi və müştərilər üçün qeyri-standart həllərin təqdim olunmasını səbirsizliklə gözləyirik" - deyə, "Blackgarden Advisory" şirkətinin həmtəsisçisi  Elçin Abdullayev bildirib.