Çərşənbə axşamı Ağ Ev, ABŞ prezidenti Co Baydenin neft ixracına qadağa qoymağı düşünüb-düşünmədiyi barədə suala cavab verməyib.

Marja xəbər verir ki, bazar ertəsi ABŞ-ın bir qrup demokrat senatoru ölkədə benzinin baha olması ilə bağlı dövlət başçısına məktub göndərib. Onlar Baydeni xam neftin ixracını qadağan etməyə çağırıblar.

Ağ Evin mətbuat katibinin müavini Karine Jean-Pierre prezidentin bu təklifi nəzərdən keçirib-düşünmədiyini soruşduqda, mətbuat brifinqində deyib: “Mənim sizin üçün konkret deyə biləcəyim heç nə yoxdur. Mən sizə sadəcə olaraq deyə bilərəm ki, biz burada nə edirik, yəni OPEC-i neft hasliatını daha çox atırmağa çağırırıq. Biz vəziyyəti diqqətlə izləyirik. Bizim "arsenalımızda" alətlər var, onların köməyi ilə potensial olaraq bu problemi həll edə bilərik". O, hansı vasitələrdən söhbət getdiyini açıqlamayıb.

"Biz yüksək enerji qiymətlərinin, xüsusilə soyuq aylarda istehlakçılara təsirindən çox narahatıq" - Ağ Evin rəsmisi bildirib.

ABŞ-ın strateji neft ehtiyatından istifadənin mümkünlüyü barədə suala o belə cavab verib: “Hazırda bizim [bu sahədə] elan edəcək heç bir şeyimiz yoxdur".

Çərşənbə axşamı günü ABŞ Energetika Nazirliyi 2021-ci ildə Brent markalı neftin qiyməti ilə bağlı proqnozunu bir qədər artırıb - bir barel üçün 71,4 dollardan 71,6 dollara. Agentlik həmçinin 2021-ci ilin sonuna kimi Brent neftinin kotirovkalarının orta hesabla 82 dollar/barel olacağını gözləyir. Bundan əlavə, ABŞ Energetika Nazirliyi 2021-ci ildə ABŞ-da gündəlik neft hasilatı proqnozunu 80 min barel artıraraq gündəlik 11,1 milyon barrelə çatdırıb. 2022-ci ildə gözlənilən hasilat həcmi 170 min barel artırılaraq sutkada 11,9 milyon barelə qaldırılıb. Agentlik qeyd edib ki, oktyabrda ABŞ-da orta gündəlik neft hasilatı, Meksika körfəzində İda qasırğası səbəbindən hasilatın demək olar ki, tamamilə dayandırıldığı sentyabr ayı ilə müqayisədə 700 min barel artaraq gündəlik 11,4 milyon barrelə çatıb.