"ABŞ hakimiyyəti neft hasilatının həcmini artırmır, çünki müvafiq qərarlar özəl şirkətlər tərəfindən verilir, Vaşinqton OPEC+-ı hasilatı daha çox artırmağa çağırır". 

Marja xəbər verir ki, bunu cümə axşamı keçirilən növbəti brifinqdə Ağ Evin mətbuat katibinin müavini Karin Jan-Pyer (Karine Jean-Pierre) bildirib.

O, ABŞ-ın niyə hasilatı artırmadığını soruşduqda, “ABŞ-da rəqabətə əsaslanan azad bazar sistemi var” cavabını verib.

"Fərdi şirkətlər müstəqil qərarlar verirlər. OPEC+ hasilat həcmini özləri təyin edən ölkələr qrupudur. Onların indi hərəkət etmək və davamlı qlobal bərpa zamanı heç bir maneənin olmamasını təmin etmək qabiliyyəti və səlahiyyəti var, bu həyati vacibdir", -  Karin Jan-Pyer bildirib.

“OPEC+ hasilatı neftin qiymətinə təsir edir, bu, ABŞ-da benzinin qiymətinə təsir edir”, - o əlavə edib.

Karin Jan-Pyer söyləyib ki, ABŞ hakimiyyəti yanacaq bazarını sabitləşdirmək üçün bütün variantları nəzərdən keçirəcək.

“Biz enerji istehlak edən ölkələrlə dialoq aparırıq. Əlimizdə olan bütün vasitələri nəzərdən keçirəcəyik”.

Jan-Pyer əlavə edib ki, "konkret məlumat verə bilməz".

Ağ Evin sözçüsü qeyd edib: “Biz OPEC+ üzvü deyilik, onlar öz qərarlarını verirlər. Vaşinqton əvvəllər bir sıra OPEC+ ölkələri ilə qarşılıqlı əlaqədə olub və neft hasilatının artırılması ilə bağlı “komromis həllə çağırıb.

İndi neft hasil edən ölkələrin əksəriyyətinin enerji qiymətlərini sabitləşdirməsi və yüksək qiymətlərin iqtisadiyyatın bərpasına mane olmamasını təmin etmək vaxtıdır”.

Cümə axşamı iclasda OPEC+ sazişinə daxil olan ölkələr, idxalçıların, ilk növbədə ABŞ-ın neft hasilatını sürətləndirmək çağırışlarına baxmayaraq, ayda 400 min baldən çox olmayan neft hasilatını bərpa etmək planına sadiq qaldılar.  Rusiya və Səudiyyə Ərəbistanının ortaq mövqeyi ondan ibarətdir ki, indiki şəraitdə tələbin bir qədər azalması və qiymətlərin düşə biləcəyi səbəblərindən neft hasilatını daha çox artırmaq mümkün deyil. 

Həmçinin oxu

OPEC+ təzyiqlərə baxmayaraq neft istehsalının artırıması sürətini dəyişdirmədi