İKEA gəlirlərinin azalması səbəbindən 2019-cu ildən bəri ilk dəfə qiymətləri qaldıra bilər

İKEA gəlirlərinin azalması səbəbindən 2019-cu ildən bəri ilk dəfə qiymətləri qaldıra bilər

İKEA: Qiymət artımı qaçılmazdır

İKEA gəlirlərinin azalması səbəbindən 2019-cu ildən bəri ilk dəfə qiymətləri qaldıra bilər

İsveçin IKEA şirkəti xəbərdarlıq edib ki, tədarük zəncirinin pozulması və şirkətin mənfəətinə təsir edən xərclərin artması səbəbindən 2019-cu ildən bəri ilk dəfə qiymətləri qaldırmalı ola bilər.

Marja xəbər verir ki, bu barədə çərşənbə günü "Financial Times"a müsahibəsində "Inter IKEA" şirkətinin maliyyə direktoru Martin van Dam bildirib.

"2022-ci il 2021-ci ildən asan olmayacaq, daha çətin olacaq. Bu (xərclərin artması - red), bizim mənfəətimizi böyük ölçüdə "yeyir"" - Van Dam deyib.

O bildirib ki, böyük məhsul qıtlığına səbəb olan tədarük zəncirindəki problemlər səbəbindən qiymət artımı qaçılmazdır. Şirkət artımın nə qədər olacağını hələ açıqlamayıb.

Martin van Dam vurğulayıb ki, yüksək qiymətlər müştərilər üçün mütləq yüksək məhsul xərcləri demək deyil, çünki bu, pərakəndə satıcıların bu xərcləri öz üzərinə götürmək istəyindən asılıdır. Başqa sözlə, müştərilər üçün qiymətləri qaldırıb-qaldırmayacağını mağazalar həll edəcək. Direktor, IKEA-nın "mümkün qədər aşağı qiymətlərdə qalmaq" istədiyini və zaman keçdikcə bir çox məhsulun qiymətlərini aşağı salmaqla qürur duyduğunu və bununla da əlçatanlığı artırdığını söyləyib.

Qəzetin yazdığına görə, bütün dünya üzrə IKEA mağazalarını çeşid və təchizatçıları ilə birləşdirən şirkətlər qrupu olan "Inter IKEA"nın son maliyyə ilində (2021-ci il avqustun sonuna) xalis mənfəəti 17% azalaraq 1,4 mlrd. avro təşkil edib. Lakin onlayn satışlar 6% artaraq rekord həddə - 41,9 milyard avroya çatıb. Şirkət tədarük zəncirindəki fasilələri azaltmaq üçün artıq 250 milyard avro xərcləyib.

IKEA 1943-cü ildə İsveçdə mebel və məişət mallarının satışı üzrə ixtisaslaşan pərakəndə satış şəbəkəsi olaraq yaradılmışdır.

"Inter IKEA Group", IKEA françayzilərini çeşid inkişafı və təchizatçıları ilə birləşdirən və ümumi IKEA strateji planını uyğunlaşdıran şirkətlər qrupudur.