Tesla-dan rekord satış və mənfəət

Tesla-dan rekord satış və mənfəət

“Texnokral”ın şirkəti ikinci dəfə 1 milyardı keçib...

elektrikli, avtomobil, Tesla, Elon Mask, xalis mənfəət

Ən iri elektrikli avtomobil istehsalçılarından biri, 15%-lik payla bazarın əsas oyunçusu olan Tesla dünən cari ilin 3-cü rübünün maliyyə nəticələrini açıqlayıb.

Marja xəbər verir ki, qalmaqallı milyarder Elon Maskın şirkəti tarixində 2-ci dəfə bir rübdə 1 milyard dollardan artıq mənfəət əldə edib.

VTB-də minimal faiz dərəcəsi ilə nağd kredit 10.49%-dən

Çip böhranı və təchizat problemləri fonunda əksər istehsalçılarda satış həcminin azalmasının əksinə olaraq, Tesla sentyabrın sonunda bitən rübdə satışlarını artıraraq, bütün modellərdən cəmi 241 300 ədəd elektromobil təchiz edib. 13,76 milyard dollarlıq gəlirin 12,06 milyard dolları avtomobil biznesindən, 806 milyon dolları günəş enerjisi və batereya biznesindən, 894 milyon dolları xidmətlər və digər gəlirlərdən ibarətdir.

Şirkətin 3-cü rüb üzrə xalis mənfəəti 1,62 milyard dollar təşkil edib. Xatırladaq ki, öncəki rübdə Tesla 1,14 milyard dollar mənfəət əldə etmişdi.

XXX

Tesla-nın üçüncü rübdəki gəlirləri keçən ilin eyni dövrü ilə müqayisədə 57% artıb. Bunu çərşənbə günü dərc olunan maliyyə hesabatları göstərir.

Dərc olunan məlumatlara görə, son üç ay ərzində (iyul-sentyabr) şirkətin gəlirləri 13,76 milyard dollar təşkil edib, ötən ilin eyni dövründə bu rəqəm 8,77 milyard dollar idi.

Şirkət ekspertlər tərəfindən gözlənilən 13,9 milyard dollarlıq gəlirdən bir qədər geri qalıb, lakin Tesla səhm üzrə dividendlərin həcminə görə mütəxəssislərin gözləntilərini üstələyib ki, bu da ötən ilki 0,76 dollara qarşı indi 1,86 dollar təşkil edir.

Y model kompakt yolsuzluq avtomobili və Model 3 dördyerlik sedan hal-hazırda ən böyük satış gəlirlərini təmin edir. Tesla üç ay ərzində bu elektrik avtomobillərindən təxminən 229 min ədədini yığıb.

Tesla, iş adamı Elon Musk tərəfindən 2003-cü ildə quruldu. Əvvəlcə Tesla Motors adlanırdı, sonradan Tesla adlandırıldı. Əvvəlcə şirkət yalnız elektrikli avtomobillərin istehsalında ixtisaslaşmışdı, lakin sonradan günəş panelləri və batareya istehsalı ilə də məşğul oldu.

21.10.2021 08:29

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az