Şifrənizi unutmusunuz? Narahat olmayın, daha ona ehtiyac yoxdur!

Şifrənizi unutmusunuz? Narahat olmayın, daha ona ehtiyac yoxdur!

Hər saniyə 600-ə yaxın şifrəyə haker hücumu olur....

Şifrənizi unutmusunuz? Narahat olmayın, daha ona ehtiyac yoxdur!

ABŞ-ın texnologiya nəhəngi, dünyada ən çox istifadə olunan Windows əməliyyat sisteminin təminatçısı Microsoft istifadəçilərə öz hesablarına şifrəsiz daxil olmaq imkanı yaradır.

Marja xəbər verir ki, bu barədə şirkətin təhlükəsizlik üzrə vitse-prezidenti Vasu Jakkal-ın bloq yazısında qeyd olunub.

Çox zaman istifadəçi şirfələrinin unudulduğunu, yaxud haker hücumlarına məruz qaldığını və oğurlanma riskinin böyük olduğunu bildirən Jakkal Microsoftun yeni həll üsulunu təqdim edib: şifrə əvəzinə hesabınıza hər 2-3 saniyəyə yeni unikal kod verən İdentifikasiya (Authenti) tətbiqetməsi, yaxud Windows Hello (üz tanınması, barmaq izi kimi biometrik identifikasiya, yaxud şəxsi identifikasiya nömrəsi - PIN) vasitəsilə daxil ola biləcəksiniz.

Digər vasitələr də var: giriş məlumatlarının saxlandığı USB, yaxud mobil nömrənizə qısa mesajla gələn bildiriş. Artıq uzun və mürəkkəb şifrə seçib, sonra da onu unutmaq təhlükəsi yoxdur.

Microsoft giriş şifrələrindən daha çox istifadə olunan əsas xidmətlər - MS Outlook və OneDrive üçün şifrəsiz girişi hələ bu ilin mart ayından korporativ hesablar üçün aktivləşdirib. Bir neçə həftəyə isə bu funksiya bütün hesablar və istifadəçilər üçün əlçatan olacaq.

Microsoft yeni xidmətlə həm də kibertəhlükəsizlik səviyyəsinin artırılacağına hədəflənib. Hazırda hər saniyədə 600-ə yaxın hesabın şifrəsini qırmaq üçün haker hücumu baş verir ki, bunların sayı ildə 18 milyarda çatır.

Şifrə üçün daha çox hansı kombinasiyalar “dəbdədir”?

Microsoftun araşdırmasına görə, istifadəçilərin 15%-i şifrə qurarkən öz heyvanlarının adından istifadə edir. Digər geniş yayılmış üsul soyad və ya doğum tarixidir. Hər 10 istifadəçidən 1-i isə bir şifrədən çoxsaylı saytlar üçün istifadə edir.

17.09.2021 07:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az