Ən yuxarı statik reklam-3_3
Ən yuxarı (mobil)-2_30
Mobil manşet üstü reklam_21

Pakistan rupini sabitləşdirmək üçün 3 ayda bazarda 1,2 milyard dollar yerləşdirib

iç səhifə xəbər başlığı altı (mobil)_31
Pakistan rupini sabitləşdirmək üçün 3 ayda bazarda 1,2 milyard dollar yerləşdirib
iç səhifə xəbər şəkil altı-2 (mobil)_32

Pakistan Dövlət Bankı (Mərkəzi Bank) son üç ayda Pakistan rupisinin məzənnəsini sabitləşdirmək üçün 1,2 milyard dollarlıq ehtiyatlarından banklararası bazara yerləşdirib.

Marja xəbər verir  ki, "Express Tribune" qəzetinin çərşənbə günü hökumət mənbələrinə istinadən verdiyi məlumata görə, Pakistanın gündəlik müdaxilələri iyul ayında 100 milyon dollar, avqustda isə 85 milyon dollar təşkil edib. Son 3 ayda Rupini dəstəkləmək üçün ayrılan vəsait, İslamabadın bu ilin iyul ayında 5,9%-dən 8,5% -ə qədər olan faizlərlə aldığı 1 milyard dollarlıq Avrobond kreditindən bir qədər yüksəkdir.

"2019-cu ilin iyun ayından etibarən Pakistan, məzənnənin bazar tələbi və təklif şərtləri ilə təyin olunduğu bazara əsaslanan çevik məzənnə sisteminə keçib. Bu sistem çərçivəsində, Mərkəzi Bankın valyuta bazarına müdaxilələrinin rolu, əsas tendensiyanı basdırmadan, bazarın nizamsız vəziyyətinin qarşısını almaqla məhdudlaşır", - deyə qəzet Mərkəzi Bankın nümayəndəsi Abid Kamaranın açıqlamasına istinad edir.

İslamabadın davamlı olaraq zəifləyən Pakistan rupisini dəstəkləmək üçün 2018-ci ilin yayından bu yana ən azı 5,8 milyard dollar satıb.

Sentyabrın 14-də banklararası bazarda Pakistan valyutası dollara nisbətdə ən aşağı həddə -168.94 rupiyə çatıb. Cari maliyyə ilinin əvvəlindən (1 iyul 2021) Pakistanın milli valyutası 7.28% və ya 11.51 rupi dəyərdən düşüb. Asiya İnkişaf Bankının (AİB) mütəxəssisləri bunun səbəblərini İslamabadın milli iqtisadiyyatın əsas problemlərini həll etmədən genişləndirici maliyyə və pul siyasəti yürütməsində görürlər. Başqa bir səbəb, iqtisadi artımın borc hesabına maliyyələşdirilməsidir ki, bu da analitiklərin fikrincə, ölkənin tədiyyə balansı böhranı şəraitində son dərəcə qəbuledilməzdir.

Böhran, 2021-ci ilin iyul-avqust aylarında Pakistanın idxalı yeni iki aylıq rekord həddə - 12.1 milyard dollara çatması ilə artıb və bu, tədiyyə balansının kəsirini 2020-ci ilin eyni dövrü ilə müqayisədə 120% artaraq 7.5 milyard dollara çatdırıb. 

Pakistan Rupi
16.09.2021 12:53
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az

Müştərilərin xəbərləri

Mobil Manşet alt reklam-2_22
Mobil əsas səhifə 4-cü2_27
Mobil əsas səhifə 5-ci_28
Mobil əsas səhifə 6-ci_29
Desktop_Manset_sag_5
Esas-sehifede-reklam-3_8
Ana-sehifede-2-reklam-3_9
Xəbər mətn sağ 1-ci-2_15
Xəbər mətn sağ 2-ci2_16
Xəbər mətn sağ 3-cü_17
Xəbər mətn sağ -18_18
InvestAZ