Avropa təbii qaz bazarında min kubmetr üçün kotirovkalar təxminən 1000 dollara qədər yüksəldikdən sonra geriləməyə başlayıb.

Marja xəbər verir ki, dünən səhər qiymət 16% artaraq min kubmetr üçün 966 dollara çatdıqdan sonra, ICE birjasında oktyabr qaz fyuçersləri 170 dollar ucuzlaşaraq çərşənbə axşamı bağlanışına nisbətən qırmızı qiymət ilə (-0.8%) bağlandı. Yeddi saat ərzində qaz 17% ucuzlaşaraq min kubmetr üçün 796 dollara düşdü.

Günorta saatlarında 970 dollara çatan Noyabr müqavilələri 171 dollar düşüb və günü 800 dollar səviyyəsindən aşağıda bağlanıb.

İkinci ən böyük təchizatçı Norveç, qaz qiymətlərinin 300%, elektrik enerjisinin qiymətlərinin isə iki dəfə artdığı Avropa bazarına kömək edəcək.

Yataqlardakı təmir işləri səbəbindən Norveç qaz ixracını daha çox artıra bilmir. Bloomberg yazır ki, indi ilin sonuna qədər Norveçin ixracı bərpa olunacaq.

Avqust ayında Norveç 9,4 milyard kubmetr qaz ixrac edib ki, bu da ötən ilin eyni dövrü ilə müqayisədə 15% çoxdur.

"Milli qaz istehsalçısı "Equinor", istehsalı artırmaq  və tələbatı ödəməyi planlaşdırır", - şirkətin maliyyə direktoru Ulrika Fern çərşənbə günü "Reuters"ə bildirib. 

Avropaya mayeləşdirilmiş qaz (LNG) tədarükü, Asiyada təlabatın artması və qiymətlərin yüksəlməsindən sonra zəif artıb. Eyni zamanda Asiyada artan qiymətlər Avropada da LNG-ni bahalaşdırır.

Tankerlərin göndərilməsini izləyən "Kpler" şirkətinə görə, Avropa İttifaqı iyun ayında 6% artımla, avqust ayında 4,98 milyon ton mayeləşdirilmiş qaz alıb. "Kpler" hesab edir ki, sentyabr tədarükləri əvvəlki səviyyədə qalacaq.

"AB-dəki qaz böhranı hələ də həll olunmaqdan uzaqdır və Rusiyadan tədarüklə (nəql ilə) bağlı vəziyyət qaydasına qoyulana qədər qiymətlər artmağa davam edə bilər", - "Enerji Danmark"ın analitikləri yazırlar. "Şimal Axını 2" qaz kəməri işə düşərsə Avropada təbii qaz qiymətlərinin düşəcəyi gözlənilir.