Qazaxıstan Prezidenti taxıl üçün ixrac rüsumunun tətbiqinin erkən olduğunu hesab edir

Qazaxıstan Prezidenti taxıl üçün ixrac rüsumunun tətbiqinin erkən olduğunu hesab edir

Qazaxıstan Prezidenti taxıl üçün ixrac rüsumunun tətbiqinin erkən olduğunu hesab edir

"Qazaxıstandan taxıl ixracına rüsumların tətbiqi hal-hazırda erkəndir".

Marja xəbər verir ki, bunu çərşənbə axşamı, ölkənin Şimali Qazaxıstan vilayətində işgüzar səfərdə olan Respublika Prezidenti Kasım-Jomart Tokayev deyib.

“Biz ənənəvi olaraq Özbəkistan, Türkmənistan və Əfqanıstan bazarlarına un tədarük edirik. Hesab edirəm ki, bütövlükdə hökumət və Ticarət Nazirliyi tarif tənzimlənməsi məsələləri ilə daha əsaslı məşğul olmalıdır. Hökumət gələcəkdə taxıl üçün ixrac rüsumunun tətbiqi məsələsini qaldırır. Ancaq indi mövcud vəziyyəti nəzərə alaraq, bunu etməyi tez hesab edirəm", - dövlət başçısı bildirib.

Prezidentin sözlərinə görə, ölkə hakimiyyəti əmtəə istehsalçılarına, xüsusilə də un istehsalçılarına kömək etmək üçün subsidiya mexanizmindən istifadə etməlidir.

O, həmçinin aqrar sənaye kompleksini qabaqcıl texnologiyalarla təmin etməyin zəruriliyini bildirib: “Hökumət fermerlərə bu cür avadanlıqların verilməsində kömək etməlidir. Müasir texnologiya olmasa, kənd təsərrüfatımız inkişaf etməyəcək. Buna görə də mənim göstərişlərimə əsasən hökumət müvafiq siyasəti həyata keçirməyə davam edəcək”.

Bundan başqa Prezident, "Kreditlərə gəlincə, bu siyasət davam etdiriləcək. Kredit faizi aşağı olmalıdır. Mən bu məsələyə böyük əhəmiyyət verirəm”,-deyib.