Yeni Talibanın necə olacağı açıqlandı

Əfqanıstanda hakimiyyəti ələ keçərən Taliban ilk dəfə mətbuat konfransı keçirib. Talibanın sözcüsü qadınların islami qaydalar çərçivəsində azad olacağını söyləyib. Beynəlxalq nümayəndəliklərə zərər verməyəcəklərini qeyd edən Taliban sözcüsü, "Hər hansı bir başqa millətdən kimsəyə zərər verilməyəcək" deyib.

Taliban, ilk mətbuat konfransını təşkil edib.

Marja xəbər verir ki, Talibanın sözcüsü Zabihullah Mucahid, "ABŞ da daxil olmaq üzrə beynəlxalq nümayəndəliklərə zərər verməyəcəyik" deyib.

Talibanın sözcüsü, "Bizə qarşı illərdir döyüşən əsgərlərin hamısı bağışlanıb. Hər hansı bir başqa millətdən kimsəyə zərər verilməyəcək. Havalimanında gözləyənlər evlərinə qayıtsalar kimsə onlara zərər verməyəcək" deyib.

Taliban sözcüsü, qadınların da həyatın bir çox sahəsində islami şəriət qaydaları çərçivəsində azad ola biləcəyini, təhsillərinə davam edə biləcəklərini deyib

Əfqanıstanın bundan sonra bir terror ölkəsi olmayacağını vurğulayıb. Əfqanıstan torpaqlarının heç kimə qarşı istifadə edilməyəcəyinin zəmanətini verib.

Əfqanıstanın narkotikdən təmizlənilmiş bir ölkə olacağını qeyd edən sözcü deyib:

“Əfqanıstan narkotikin heç bir növünü istehsal etməyəcək... Artıq heç kim narkotik qaçaqmalçılığının təşkilində iştirak edə bilməyəcək... Bundan sonra Əfqanıstan narkotikdən azad bir dövlət olacaq”.

“Taliban” nümayəndəsi deyib ki, bu məqsədə çatmaq üçün ölkə sakinlərinə başqa məhsul yetişdirmək imkanı qazandırmaq üçün beynəlxalq yardıma ehtiyac duyulacaq.

Mucahid, ölkənin təbii qaynaqlarının Əfqanıstanın yenidən inşaası və inkişafı üçün istifadə ediləcəyini söyləyib və hər kəslə yaxşı əlaqələr qurmaq istədiklərini, iqtisadiyyatı canlandırmağı və ölkədəki rifahı artırmağı hədəflədiklərini açıqlayıb.

18.08.2021 08:10

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az