Dövlət Neft Fondu builki gəlirlərini və xərclərini açıqladı - 44 MİLYARD DOLLARI AŞIB

Dövlət Neft Fondu builki gəlirlərini və xərclərini açıqladı - 44 MİLYARD DOLLARI AŞIB

Dövlət Neft Fondu builki gəlirlərini və xərclərini açıqladı - 44 MİLYARD DOLLARI AŞIB

Azərbaycan Respublikası Dövlət Neft Fondu (ARDNF) bildirir ki, 2021-ci ilin yanvar-iyun ayları ərzində ARDNF-nin büdcə gəlirləri 6 milyard 886.1 milyon manat, büdcə xərcləri isə 4 milyard 708.7 milyon manat təşkil etmişdir.

Fonddan Marja-ya daxil olmuş məlumata görə, 2021-ci ilin yanvar-iyun ayları ərzində ARDNF-nin neft və qaz sazişlərinin həyata keçirilməsi ilə bağlı gəlirləri 4 milyard 959.1 milyon manat, o cümlədən mənfəət neftinin və qazın satışından 4 milyard 175.0 milyon manat, bonus ödənişləri 768.6 milyon manat, tranzit gəlirləri 10.8 milyon manat, akrhesabı ödənişlər 4.7 milyon manat təşkil etmişdir.

VTB-də minimal faiz dərəcəsi ilə nağd kredit 10.49%-dən

Hesabat dövrü ərzində Fondun vəsaitinin idarə olunmasından əldə edilən gəlirlər 1 milyard 927 milyon manata bərabər olmuşdur.

Valyuta məzənnələrinin dəyişməsindən yaranan fərq ilə bağlı ARDNF-nin büdcədənkənar xərcləri 1 milyard 258.2 milyon manat təşkil etmişdir.

Cari ilin yanvar-iyun ayları ərzində ARDNF-nin 2021-ci il büdcəsinin icrası çərçivəsində 4 milyard 696.7 milyon manat vəsait dövlət büdcəsinə transfert edilmişdir, “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın maliyyələşdirilməsinə 1.4 milyon manat yönəldilmişdir. 2021-ci ilin yanvar-iyun ayları ərzində ARDNF-nin idarə edilməsi ilə bağlı xərcləri 10.6 milyon manat təşkil etmişdir.

2021-ci il iyunun 30-a Fondun aktivləri 2021-ci ilin əvvəlinə (43 milyard 564.3 milyon ABŞ dolları) nisbətən 1.24% artaraq 44 milyard 104.9 milyon ABŞ dolları təşkil etmişdir.

Aktivlərin artımı ARDNF-nin büdcə gəlirləri, o cümlədən vəsaitlərin idarə edilməsindən əldə edilən gəlirlər hesabına olmuşdur. Müvafiq dövr ərzində ən yüksək gəlirlilik səhm alt portfelində müşahidə olunmaqla investisiya portfelinin hər bir tərkib aktiv növü üzrə müsbət gəlirlilik qeydə alınmışdır.

27.07.2021 12:39