Britaniya şirkəti bu il Azərbaycanda hasil etdiyi qiymətli metalların həcmini açıqladı

Britaniya şirkəti bu il Azərbaycanda hasil etdiyi qiymətli metalların həcmini açıqladı

Britaniya şirkəti bu il Azərbaycanda hasil etdiyi qiymətli metalların həcmini açıqladı

Azərbaycanda qızıl, gümüş və mis hasilatı ilə məşğul olan Böyük Britaniyanın "Anglo-Asian Mining Plc." şirkəti “Gədəbəy” müqavilə ərazisi üzrə bu ilin yarım ilində 32 171 unsiya qızıl ekvivalentində qiymətli metal filizləri istehsal edib.

Şirkətin açıqladığı hesabata əsasən, bu, 2020-ci ilin ilk yarım ilinə nisbətən 1,01 % azdır. 2020-ci ilin ilk yarım ilində bu həcmlər 32 501 unsiya qızıl ekvivalenti olub.

VTB-də minimal faiz dərəcəsi ilə nağd kredit 10.49%-dən

Bu ilin yanvar-iyun ayları ərzində şirkət tərəfindən 24 249 unsiya qızıl hasil edilib. Bu, 2020-ci ilin ilk yarım ilinin göstəriciləri ilə müqayisədə 12,44 % azdır. 2020-ci ilin ilk yarım ilində şirkət tərəfindən 27 696 unsiya qızıl istehsal edilib.

Bu ilin ilk yarım ili ərzində Britaniya şirkəti 1 333 ton mis istehsal edib. Bu, 2020-ci ilin ilk yarım ilinin göstəriciləri ilə müqayisədə 10,44 % çoxdur. 2020-ci ilin ilk 6 ayında şirkət tərəfindən ölkədə 1 207 ton mis istehsal edilib.

Bu ilin ilk yarım ilində “Anglo-Asian Mining Plc." şirkətinin gümüş istehsalı isə 78 931 unsiya təşkil edib. Bu isə 2020-ci ilin birinci yarım illiyi ilə müqayisədə 34,7 % çoxdur. 2020-ci ildə şirkət tərəfindən Azərbaycanda 58 603 unsiya gümüş istehsal edilib.

Qeyd edək ki, “Anglo-Asian Mining” Azərbaycanda 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə çərçivəsində hasilatla məşğul olur. Müqavilədə Azərbaycanın payı 51 %, "Anglo-Asian Mining Plc." şirkətinin payı 49 % təşkil edir. İlk qızıl hasilatına ("Gədəbəy" yatağında) 2009-cu ildə başlanılıb. “Gədəbəy” bir-birinə inteqrasiya olunmuş mədənləri olan açıq mədəndir. Şirkət ərazidə yerləşən “Qadir” və “Gədəbəy” yatağından 50 km aralıdakı “Qoşa” yeraltı mədənində, yeni kəşf olunan "Uğur" yatağında da hasilatla məşğuldur.

Marja.az Telegramda: https://t.me/marjaaz

“Report”

14.07.2021 12:20