Karantin rejimi Bakı metrosunu ağır vurub - BÖYÜK GƏLİRLƏR İTİRİB

Karantin rejimi Bakı metrosunu ağır vurub - BÖYÜK GƏLİRLƏR İTİRİB

Karantin rejimi Bakı metrosunu ağır vurub - BÖYÜK GƏLİRLƏR İTİRİB

Ötən il karantin rejimi ilə əlaqədar uzun müddət fəaliyyət göstərməmiş "Bakı Metropoliteni" bu səbəbdən böyük gəlirlər itirib.

Marja qurumun maliyyə hesabatına istinadən xəbər verir ki, 2019-cu ildə sərnişinlərin daşınmasından əldə edilən gəlir 68 milyon 917 min manat ikən, 2020-ci ildə 3,2 dəfə az - 21 milyon 623 min manat təşkil edib.

VTB-də yüksək depozit faizləri daha çox qazandırır

Bir sıra xərclər sabit olduğundan "Bakı Metropoliteni"nin xalis zərəri artıb. 2019-cu ildə 55 milyon 87 min manat təşkil etmiş xalis zərər 2020-ci ildə 83 milyon 542 min manata yüksəlib.

"Bakı Metropoliteni" sərnişindaşıma fəaliyyətindən əlavə gəlirlər də (reklam yayımından gəlirlər, ticarət obyektlərinə xidmətdən gəlirlər və s.) əldə edir. 2019-cu illə müqayisədə 2020-ci ildə "sair gəlirlər" 2 milyon 173 min manat azalaraq 3 milyon 534 min manata düşüb. O cümlədən reklam yayımından gəlirlər 1 milyon 28 min manat təşkil edib. Bu gəlir 2019-cu ildə 2 milyon 565 min manat idi.

Ötən il Bakı metrosu dövlət büdcəsindən daha çox yardım alıb. 2019-cu illə müqayisədə 2020-ci ildə büdcədən subsidiya 37% artaraq 67 miylon 679 min manat təşkil edib. 2019-cu ildə büdcədən subsidiya 49 milyon 400 min manat olmuşdu.

Gəlirlər, manatla	2019-cu il	2020-ci il
1. Sərnişindaşımadan gəlirlər	68 917 361	21 623 073
2. Büdcədən subsidiya	49 400 000	67 679 000
3. Cəmi sair gəlirlər, o cümlədən	5 706 718	3 534 216
- Reklam yayımından gəlir	2 565 186,76	1 028 356,80
- Metropolitenin tunellərində yerləşdirilmiş kənar təşkilatların kabellərinə xidmət göstərilməsindən gəlir	602 733,21	582 495,18
-Bankomatlar və POS terminallarına xidmət göstərilməsindən gəlir	805 384,45	359 786,92
- Ticarət obyektlərinə xidmət göstərilməsindən gəlir	210 432,13	88 973,96
- Metal qırıntılarının kənar təşkilatlara satışından gəlir	377 984,12	351 584,76
- Xarici valyuta əməliyyatlarında məzənnə fərqindən yaranan gəlir	122 446,13	142 442,68
- Digər gəlirlər	1 022 551,53	980 576,33