(®️) EKVİTA-nın Almaniyanın STEINBEIS GMBH & CO.KG şirkəti ilə birgə icra “Yerli Texnoloji Startapların İnkişafına Dəstək" layihəsinin cari ilin sonuna qədər bitməsi gözlənilir. Layihənin təşəbbüsü ilə universitetlər və digər mərkəzlərdə startapların inkişafı məqsədilə startap mərkəzlərinin ( "startup hubs" ) yaradılması planlaşdırılır.

2021-ci ilin birinci rübündə Asiya İnkişaf Bankı tərəfindən təşəbbüs edilən Yerli Texnoloji Startapların İnkişafına Yardım Layihəsi Azərbaycanın bölgələrində startapların inkişafına dəstək vermək məqsədi ilə ekosistemin inkişafına, həmçinin yerli institusional potensialın gücləndirilməsinə dəstək olacaqdır.

Layihə çərçivəsində Gəncə şəhəri və Şamaxı rayonunda texnoloji startapların və innovativ sahibkarlıq ekosistemlərinə texniki dəstək nəzərdə tutulur. Belə ki, Gəncə və Şamaxıda texnoloji startapların böyüməsi üçün imkanları müəyyənləşdirmək, diaqnostik tədqiqatlar aparmaq və məlumat mübadiləsi etmək üçün əməkdaşlıq fəaliyyətləri həyata keçirilir.

Layihənin icraçı təşkilatları qismində Azərbaycan Respublikasının Prezidenti yanında Dövlət Xidməti və Sosial İnnovasiyalar üzrə Dövlət Agentliyi yanında İnnovasiyalar Mərkəzi (İnnovasiyalar Mərkəzinə aid “INNOLAND” vasitəsi ilə), Gəncə Dövlət Universiteti, Azərbaycan Texnologiya Universiteti və Azərbaycan Dövlət Aqrar Universiteti cəlb edilmişlər. 

Qeyd edəki ki, EKVİTA - hüquq, vergi və idarəetmə üzrə tam konsaltinq xidmətlərini göstərən 80 nəfər peşəkarlar heyətli bir şirkətdir. Şirkətin müştəriləri arasında Dünya miqyasında fəaliyyət göstərən Fortune 500 siyahısına daxil olan bir neçə fəal şirkət mövcuddur. EKVİTA hökumət layihələrində iştirak etməklə paralel, həm də beynəlxalq donor təşkilatları ilə əməkdaşlıq edir.

Şirkətin fərqi - ümumi biznes konsaltinqi ilə özündə hüquqi, maliyyə və vergi sektorları üzrə kifayət qədər güclü təcrübəni birləşdirən peşəkar xidmətlərin kompleks şəklində göstərilməsidir.

EKVİTA -nın bazardakı lider mövqeyi beynəlxalq reytinq təşkilatları və digər müvafiq beynəlxalq standartlar tərəfindən tanınmışdır.