Əmanətlərin Sığortalanması Fondunda qanvermə aksiyası keçirilib

Əmanətlərin Sığortalanması Fondunda qanvermə aksiyası keçirilib

Əmanətlərin Sığortalanması Fondu “1 İyun - Uşaqların Beynəlxalq Müdafiəsi Günü” münasibəti ilə qanvermə aksiya keçirib

Əmanətlərin Sığortalanması Fondunda qanvermə aksiyası keçirilib

Əmanətlərin Sığortlanması Fondunda qarşıdan gələn "1 iyun Uşaqların Beynəlxalq Müdafiəsi Günü" münasibətilə hemofiliya və talassemiya xəstəliyindən əziyyət çəkən uşaqlara könüllü və təmənnasız kömək məqsədilə qanvermə aksiyası baş tutmuşdur.

Fondun yaydığı məlumata görə, hazırda Respublikamızda yüzlərlə qan xəstəliklərindən əziyyət çəkən uşaqların köməyə ehtiyacları vardır ki, onların həyatı kütləvi qanvermə aksiyalarından asılıdır. Azərbaycan Respublikasının Prezidenti İlham Əliyevin təsdiq etdiyi “Hemofiliya və talassemiyadan əziyyət çəkən uşaqlara qayğı” Dövlət Proqramına dəstək vermək, eyni zamanda hemofiliya və talassemiyadan əziyyət çəkən uşaqlara yardım edərək onlar üçün tədarük olunan qan ehtiyatını artırmaq məqsədi ilə Əmanətlərin Sığortalanması Fondunda könüllü olaraq bu tədbir həyata keçirilmişdir. Fondun əməkdaşları yüksək həvəs nümayiş etdirərək qana ehtiyacı olan uşaqların köməyinə çatmaq üçün aksiyada fəal iştirak sərgiləmişlər. Əməkdaşlar ilk öncə ümumi qan analizi verdikdən sonra tibbi müayinədən keçmiş və hər hansı bir infeksion xəstəliyə rast gəlinmədiyi təqdirdə qanverməyə qoşula bilmişlər.

Aksiyada iştirak edən əməkdaşlar qan xəstəliklərindən əziyyət çəkən uşaqlar üçün könüllü qanvermənin xeyirxah və savab iş olduğunu vurğulayaraq, bu tipli aksiyalarda yaxından iştirak etməyin vətəndaşlıq borcu olduğunu bildirmişlər.

Keçirilən sosial yönümlü aksiya mövcud pandemiya vəziyyəti ilə əlaqədar sosial izolyasiya qaydalarına uyğun, zəruri təhlükəsizlik tədbirlərinə riayət olunmaqla həyata keçirilmişdir.

03.06.2021 16:35

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az