Avropa İttifaqının rəsmi statistika qurumu - Eurostat cari ilin may ayı üzrə bəzi iqtisadi göstəriciləri açıqlayıb. Marja qurum rəsmilərinə istinadla xəbər verir ki, Avro Bölgəsində inflyasiya koronavirus məhdudiyyətlərinin ləğv edilməsinə başlanması və artan tələblə 2%-ə yüksələrək, 2018-ci ilin oktyabrından bəri ilk dəfə Avropa Mərkəzi Bankının proqnozlarını üstələyib.

Əsas komponentlər içərisində enerji qiymətləri ən çox - 13,1% (apreldə 10,4%) artıb. Xidmət sektorunun qiymətləri 1,1% (apreldə 0,9%), qeyri-enerji sənaye malları 0,7% (apreldə 0,4%) bahalaşıb, ərzaq, alkoqol və tütün məmulatları sabit qalıb - 0,6%. Baza inflyasiya mayda 0.8%-dən 0.9%-ə yüksəlib. Avropanın ən böyük iqtisadiyyatları olan Almaniya, İspaniya və İtaliya xərclərin yüksəldiyini bildirib.

Apreldə 1,6% təşkil edən illik inflyasiya göstəriciləri yeni rekordu təzələməklə rəsmiləri çətin vəziyyətdə qoyub: yumşaq fiskal-monetar siyasətini davam etdirmək, yoxsa “kəmərləri sıxmaq”? Mərkəzi bankın idarəetmə şurası gələn həftə monetar siyasətə dair yeni qərarlar verilməsi məqsədilə toplanacaq. Avropa İttifaqı rəsmiləri, o cümlədən Mərkəzi Bankın sədri Kristin Laqard inflyasiya artımının müvəqqəti xarakter daşıdığını və növbəti ildən sabitləşəcəyini bildirsə də, investorlar fiskal-maliyyə şərtlərinin dəyişəyəcindən narahatdır.

Apreldə 8,1% təşkil edən işsizlik səviyyəsi may ayında nisbətən azalıb - 8%.

XXX

Avro Bölgəsində inflyasiya keçən ay 2018-ci ildən bu yana ilk dəfə Avropa Mərkəz Bankının hədəfinə çatıb.

Marja xəbər verir ki, Avro Bölgəsində inflyasiya koronavirus məhdudiyyətlərinin ləğv edilməsinə başlanması və artan tələblə 2 ildən çox müddətin ən yüksək səviyyəsinə yüksəlib. 

May ayında istehlakçı qiymətləri illik müqayisədə 2% artıb. Bu, iqtisadçıların proqnozundan yüksəkdir.

İnflyasiya hədəfə çatsa da bu artımın müvəqqəti olduğu və uzunmüddətli olmayacağı bildirilir. Avropa Mərkəzi Bankı daha əvvəlki şərhində qiymət artımlarına "təmkinli" yanaşdıqlarını bildirmişdi.

Baza inflyasiya Mayda 0.8%-dən 0.9%-ə yüksəlib. Avropanın ən böyük iqtisadiyyatları olan Almaniya, İspaniya və İtaliya xərclərin yüksəldiyini bildirib.

Avro Bölgəsi iqtisadiyyatı kafe, restoran və mağazaların açılması ilə toparlanır. Bölgədə işsizlik nisbəti Aprel ayında 8%-ə geriləyib.