Gürcüstanın Azərbaycandan idxalı azalıb

Gürcüstanın Azərbaycandan idxalı azalıb

Bu ilin yanvar-aprel aylarında Gürcüstanın Azərbaycan ticarət dövriyyəsinin dəyəri 335,6 milyon ABŞ dollarına bərabər olub.

Bu barədə Gürcüstanın Milli Statistika İdarəsindən bildirilib.

Məlumata görə, bu, illik müqayisədə 8,5 % azdır.

İlk dörd ayda Azərbaycan Gürcüstanın ümumi ticarət dövriyyəsində 8,5 % payla qonşu ölkənin əsas ticarət tərəfdaşları arasında Türkiyə, Rusiya və Çindən sonra IV yeri tutub.

Yanvar-apreldə Gürcüstandan Azərbaycana 152,2 milyon ABŞ dolları dəyərində məhsul ixrac olunub ki, bu da ötən ilin eyni göstəricisindən 2,6 % çoxdur. Gürcüstanın ümumi ixracında 12,7 % paya sahib olan Azərbaycan qonşu ölkənin əsas ixrac tərəfdaşları arasında Çin və Rusiyadan sonra III yerdə qərarlaşıb.

Hesabat dövründə qonşu ölkənin Azərbaycandan idxalı isə 9,1 % azalaraq 183,4 milyon ABŞ dollarına bərabər olub. Gürcüstanın ümumi idxalında Azərbaycan 6,7 % payla qonşu ölkənin Türkiyə, Rusiya və Çindən sonra IV əsas idxal tərəfdaşı olub.

Gürcüstan məhsullarının Azərbaycana ixracı artıb

Bu ilin yanvar-aprel aylarında Gürcüstandan Azərbaycana 26,4 milyon ABŞ dolları dəyərində yerli istehsal məhsulu ixrac olunub.

İllik müqayisədə həcm 22,5 % artıb. Azərbaycan Gürcüstanın yerli məhsul ixracında 3 % payla qonşu ölkədən ən çox yerli mal idxal edən 10 ölkə arasında VIII yeri tutub.

İlk dörd ayda Gürcüstan xarici ölkələrə ümumilikdə 1 milyon 198,7 min ABŞ dolları dəyərində yerli məhsul ixrac edib ki, bu da ötən ilin eyni göstəricisindən 19,6 % çoxdur. Qonşu ölkənin əsas ixrac məhsulları arasında mis filizləri və konsentratları, ferroərintilər, təzə üzüm şərabı, təbii, mineral və qazlı sular, mineral gübrələr əsas yerləri tutub.

1500 MANAT KREDİT 49 MANAT ÖDƏNİŞLƏ!

Report

19.05.2021 11:28