Qlobal birjalarda üç həftədən sonra artım - gözlər yenə ABŞ-dadır

Qlobal birjalarda üç həftədən sonra artım - gözlər yenə ABŞ-dadır

Asiya bazarları bayram tətilindən qayıdır, Amerika birjaları məşğulluq hesabatını gözləyir.

Qlobal birjalarda üç həftədən sonra artım - gözlər yenə ABŞ-dadır

Həftənin son iş günü qlobal birjalar üçün müsbət dinamika ilə başlayıb.

Marja xəbər verir ki, bugün ABŞ-da aprel ayında əmək bazarının vəziyyəti və məşğulluq hesabatının açıqlanması planlaşdırılır. Qlobal maliyyə bazarlarına və birjalara ən çox təsiri olan hesabatlardan biri ilə əlaqədar Dow Jones analitikləri apreldə 1 milyon əlavə iş yerinin açıldığını və işsizlik səviyyəsinin 6%-dən 5,8%-ə düşdüyünü proqnozlaşdırır. Bu, həmçinin Fed-in faiz dərəcəsinin sıfırda saxlanması siyasətinin bundan sonra hansı şəkildə formalaşacağıca dair suallara da müəyyən dərəcədə aydınlıq gətirəcək.

Xatırladaq ki, ABŞ Mərkəzi Bankı (Fed) aprelin 28-dəki açıqlamasında yumşaq fiskal-monetar siyasətinə yalnız ölkədə məşğulluq vəziyyətinin pandemiyadan əvvəlki səviyyəyə qayıdacağı halda ciddi korrektələr edə biləcəyini bildirmişdi.

Bugün açıqlanması gözlənilən göstəricilər fonunda ABŞ-ın bütün əsas birjalarında nisbi bahalaşma baş verib. Dow Jones indeksi 0,9%, S&P 500 0,8%, Nasdaq Composite 0,4% artıb. 50 ölkədə səhmləri izləyən MSCI indeksi dünən axşam 0,1%, ümumilikdə həftə ərzində 0,4% yüksəlib. Russel 1000 Value indeksi 0,8%, Russel 1000 Growth indeksi 0,5 dəyər qazanıb.

Asiya iqtisadiyyatının özəyini təşkil edən Çin, Yaponiya və Cənubi Koreyada bayram tətilləri bitən kimi birjalar artımla açılıb. Yaponiyanın Nikkei 225 indeksi 0,33%, Topix indeksi 0,56%, Cənubi Koreyanın Kospi indeksi 0,75%, Avstraliyanın S&P ASX 200 indeksi 0,46%, Tayvanın Taiex indeksi 1,12%, Honkonqun Hang Seng indeksi 0,74%, Çinin Şanxay kompozit indeksi 0,36%, Şenzen komponent indeksi 0,45% dəyər qazanıb.

ABŞ dollar İndeksi öncəki 91,200 göstəricisi ilə müqayisədə 0,08% azalaraq, 90,875 təşkil edib. Avstraliya dolları 0,08% bahalaşaraq, 1 Avstraliya dolları = 0,7785 dollar hədinə çatıb.

Bloomberg-in məlumatına əsasən, hazırda Brent markalı neftin qiyməti bir barrelə 68,55 dollar təşkil edir, Qərbi Texas (WTI) nefti 65,15 dollara təklif olunur.

07.05.2021 09:05

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az