Ruslar mart ayında rekord miqdarda kredit götürüblər

Ruslar mart ayında rekord miqdarda kredit götürüblər

Ruslar mart ayında rekord miqdarda kredit götürüblər

Rusiyada 2021-ci ilin mart ayında verilən istehlak kreditlərinin həcmi rekord həddə - 340 milyard rubl (7,7 milyard manat) artıb.

Marja "RİA Novosti"yə istinadən xəbər verir ki, ölkədə ilk dəfə istehlak kreditinin orta miqdarı 300 min rublu (6810 manat) keçib. Orta hesabla, ruslar mart ayında bankların hər birindən 308 min rubl borc alıblar. Bu, fevral ayına nisbətən 4,9% çoxdur.

Eyni zamanda, martda verilən kreditlərin sayı 11,4% artaraq 1,1 milyona çatıb. Rusiyada aylıq istehlak kredit portfeli mart ayında 16.9% artaraq 340.6 milyard rubla çatıb. Rusiya banklarının istehlak kreditləşməsindəki ümumi portfeli isə mart ayında 1,7% artaraq 5 trilyon rubla (113,5 milyard manat) yaxınlaşıb.

Mütəxəssislər istehlak kreditlərinin artmasını bankların güzəştli kredit siyasəti ilə əlaqələndirirlər.

Analitiklər 2021-ci ilin sonunadək ölkədə istehlak kreditlərinin orta məbləğinin 330 min rublu keçəcəyini gözləyirlər.

İstehlak kreditləşməsində rekord artım fonunda mütəxəssislər “pis” kreditlərin sayının, əksinə, 0,8% azaldığını qeyd edirlər. Vaxtı keçmiş borcun ümumi məbləği fevral ayında 549,7 milyard rubl səviyyəsində qalıb.

30.04.2021 09:13