Bitcoinin ən yaxın izləyicisindən yeni rekord

Bitcoinin ən yaxın izləyicisindən yeni rekord

Kriptovalyuta Ether dəyərini bir az da artıraraq 2800 dollara çatıb.

Bitcoinin ən yaxın izləyicisindən yeni rekord

Qlobal kriptovalyuta bazarında Bitcoindən sonra dəyərinə görə ikinci yerdə qərarlaşan Ether ötən gün tarixi rekorda - 2800 dollara çatıb.

Marja CoinMetricsə istinadən xəbər verir ki, Bitcoin 54 min 471 dollar nəticə göstərib.

VTB-də minimal faiz dərəcəsi ilə nağd kredit 10.49%-dən

Avropa İnvestisiya Bankının çərşənbə günü ilk dəfə olaraq Ether blokçeyn platformasında 100 milyon avroluq rəqəmsal istiqraz buraxması barədə rəsmi açıqlaması da qiymətə xüsusi təkan verib.

CoinMarketCap-ın məlumatına görə, Bitcoin aprelin əvvəlində əldə etdiyi tarixi 65 min dollarlıq rekordla müqayisədə 16% ucuzlaşıb. Etherin sürətlə dəyər qazanması 2018-ci ildən bəri ilk dəfə Bitcoinin onu bazarda liderə çevirən sürətlə bahalaşma tempini 50% aşağı salıb. Sonuncu belə kəskin azalma 2017-ci ildə baş vermişdi.

Ether Bitcoindən sonra gəlsə də, bu iki kriptovalyuta arasında bir sıra əsas fərqlər var. Bitcoin milli valyutalara alternativ olaraq yaradıldığından, bu mübadilə vasitəsi və qızıl kimi uzun müddət saxlanıla bilən və dəyərini itirməyən aktiv qismində ona marağı artırır. Ether isə Ethereum blokçeyn platformasının öz məhsuludur və məqsəd öz rəqəmsal valyutası vasitəsilə dəyişməz proqram razılaşmalarını və tətbiqetmələri asanlaşdırmaqdır. Başqa sözlə desək, Bitcoin sadəcə “rəqəmsal dollar”dırsa, Ether şirkətlərin yeni proqramlar qurmaq üçün istifadə etdiyi mühasibatlıq platformasıdır. Həmçinin, əməliyyatların icra sürətində fərqlər var. Bitcoin normal halda 1 saniyəyə 3-5 tranzaksiya emal edirsə, Etherdə bu rəqəm 10-15 arasında dəyişir.

30.04.2021 06:38