Böyük Britaniyanın ən sevimli 10 şirkəti – siyahı

Böyük Britaniyanın ən sevimli 10 şirkəti – siyahı

Siyahıda nə Google, nə Facebook, nə də Tesla var... Əvəzində “Big 4”-dan 3-ü ordadır.

Böyük Britaniyanın ən sevimli 10 şirkəti – siyahı

Özündə peşəkarları birləşdirən ən böyük biznes sosial şəbəkələrindən olan LinkedIn Böyük Britaniyada ən arzuolunan və perspektivli şirkətlərin siyahısını açıqlayıb.

Marja xəbər verir ki, işçilərə ən yaxşı və uzunmüddətli karyera qurmaq şansı verən şirkətlərin siyahısında İngiltərənin Barclays bankı ən yaxşı olub.

2020-ci ilin yanvar-dekabr aylarını əhatə edən araşdırmada şirkət əməkdaşlarının peşəkar aktivliyi, şirkətin inkişaf qabiliyyəti, bilik və bacarıqların artırılması, xaricə doğru genişlənmək potensialı, gender müxtəlifliyi və təhsil kimi fərqli kateqoriyalar əsasında qiymətləndirmə aparılır.

Araşdırma müəyyən edib ki, Barclays bankı güclü mentorinq proqramı, eləcə də şəxsi inkişafla bağlı məcburi təlim imkanı təqdim edir. Əslində, 2018-ci ildə işçilərlə şirkət arasında baş vermiş qalmaqaldan sonra belə bir nəticə maraqlıdır. Həmin ildə baş direktor Jes Staley bank əməkdaşlarının fəaliyyətini tənqid edən anonim şikayətçinin kimliyini açıqlamaq cəhdinə görə cərimə olunmuşdu.

3400-dən artıq obyektə malik supermarketlər şəbəkəsi Tesco ikinci, Natwest Group bankı üçüncü olub. Qlobal auditor şirkətləri bir çox iri korporasiyaları və biznesləri qabalqayaraq, reytinqdə öz yerlərini tuta bilib. Tam siyahı aşağıdakı kimidir:

1. Barclays – bank

2. Tesco - ərzaq mağazaları şəbəkəsi

3. Natwest Group – bank

4. BT – telekommunikasiya şirkəti

5. PwC UK – peşəkar audit və analitik xidmətlər şirkəti

6. Deloitte - peşəkar audit və analitik xidmətlər şirkəti

7. Sainsbury’s – ərzaq mağazaları şəbəkəsi

8. Erntst&Young (EY) - peşəkar audit və analitik xidmətlər şirkəti

9. UpWork – frilans platforması

10. BBC – teleradio şirkəti

28.04.2021 16:18

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az