Azərbaycanda balıqçılıq sahəsi üzrə hüquqi baza yaradıla bilər

Azərbaycanda balıqçılıq sahəsi üzrə hüquqi baza yaradıla bilər

"Azərbaycan Balıq İstehsalçıları və Emalçıları Assosiasiyası" İctimai Birliyi ölkədə balıqçılıq sahəsinin inkişafına dair yeni təşəbbüslər irəli sürəcək.

Bunu Assosiasiyanın İdarə Heyətinin sədri Zaur Salmanlı deyib.

VTB-də yüksək depozit faizləri daha çox qazandırır

O, sahənin inkişafına maneələr yaradan bir sıra amillərin mövcudluğunu bildirərək qeyd edib ki, bu məsələlər yaxın vaxtlarda Assosiasiyanın növbəti iclasına müzakirə predmeti olacaq.

"İclasın gündəliyinə balıqçılıq sahəsi üzrə statistik məlumatların toplanılması, təsərrüfatların qeydiyyata alınmasında problemlərin həll yolları müzakirə olunacaq. Sahə üzrə mütləq olaraq hüquqi bazası formalaşdırılmalıdır. Hüquqi-normativ baza olmadığı halda investorların cəlb edilməsi olduqca çətindir. Misal üçün sahibkarlar vaxtaşırı təsərrüfatların qeydiyyata alınması və yaxud torpağın təyinatı ilə bağlı məsələlərdə çətinliklərlə üzləşirlər, bu da onların bu sahəyə olan marağını azalıdır", - deyə Z. Salmanlı qeyd edib.

Assosiasiyanın İdarə Heyətinin sədrinin sözlərinə görə, başlıca problemlərdən biri balıqçılıq sahəsinin kənd təsərrüfatı sahəsinə aid olmaması, balıq və balıq məhsullarının istehsalının kənd təsərrüfatı məhsullarının sırasına daxil edilməməsidir, bu da nəticə etibarı ilə balıqçılığın dövlətin kənd təsərrüfatlına göstərdiyi dəstəkdən kənar qalmasına və sahənin olduqca xaotik inkişafına səbəb olur.

"Kənd Təsərrüfatı Nazirliyi əmtəə balıqçılığına sahiblənsə, balıqçılar hiss edəcək ki, onlar təməl olaraq kənd təsərrüfatı məhsulları istehsal edirlər. Dövlətin müxtəlif dəstəyindən yararlanmaq imkanı əldə edən sahibkar sahəyə investisiya yatırmaqda maraqlı olacaq. Hazırda balıqçılıq sahəsinin inkişaf etdirilməsi üçün su anbarların icarəyə götürülməsi mexanizmi mövcud deyil. Sahibkar bu məsələ ilə bağlı bilmir, hansı dövlət qurumuna müraciət etsin. Bu suala biz də cavab verə bilmədiyimiz üçün nəticədə ciddi problemlərlə üzləşirik", - deyə Z. Salmanlı qeyd edib.

AYDA 59 MANAT ÖDƏNİŞLƏ 1500 AZN KREDİT!

Zaur Salmanlı

26.04.2021 12:30

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az