Coca Cola gəlirlərini açıqlayacaq - proqnozlar 8 milyard dollar deyir

Coca Cola gəlirlərini açıqlayacaq - proqnozlar 8 milyard dollar deyir

Alkoqolsuz içki bazarının lideri pandemiyanın təsirlərindən yan keçə bilib.

Coca Cola gəlirlərini açıqlayacaq - proqnozlar 8 milyard dollar deyir

ABŞ-ın ən iri alkoqolsuz içki istehsalçılarından biri, 130 illik tarixə malik The Coca Cola Company bugün cari ilin birinci rübünün nəticələrini açıqlayacaq.

Marja xəbər verir ki, Refinitivin Wall Street ekspertləri arasında keçirdiyi sorğuda rəqəmlərin ötən ildən bəri çox dəyişmədiyi, ümumi gəlirlərin 8,6 milyard dollar təşkil edəcəyi və bir səhmə görə 50 sent olacağı proqnozlaşdırılır. Analitiklər ötən ilin müvafiq dövrü ilə müqayisədə satışların 1% artdığını ehtimal edirlər.

VTB-də minimal faiz dərəcəsi ilə nağd kredit 10.49%-dən

2020-ci ildə qlobal pandemiya səbəbindən xarici bazarlarda satışlar kifayət qədər azalmış, əvəzində ABŞ-da artan satışlar itkiləri nisbətən kompensasiya etməyə imkan vermişdi. Son 12 ayda səhmlərinin dəyəri 14% artan Coca Cola bazar dəyərini 231 milyard dollara çatdırıb. Şirkətin ilkin açıqlamaları cari ildə təkrəqəmli artım ehtimalının yüksək olduğunu göstərir.

Coca Colanın əsas rəqibi Pepsi Co. ötən həftəki rəsmi açıqlamasında qlobal iqtisadiyyatın hələ tam bərpa olunmamasına və qeyri-stabil istehlak proqnozlarına bxamayaraq, gəlirlərin 6,8% artdığını və proqnozlaşdırılan 14,55 milyard dollar müqabilində 14,82 milyard dollar təşkil etdiyini bildirmişdi. Xalis mənfəət isə 2021-ci ilin birinci rübü üzrə 1,71 milyard dollar təşkil edib.

20.04.2021 07:30