Qlobal tələbatda günlük 5,7 milyon barrel artım – neft istehsalçıları üçün ümidverici proqnoz

Qlobal tələbatda günlük 5,7 milyon barrel artım – neft istehsalçıları üçün ümidverici proqnoz

Beynəlxalq Enerji Agentliyi cari ildə hasilatın səviyyəsinə nikbin baxır.

Qlobal tələbatda günlük 5,7 milyon barrel artım – neft istehsalçıları üçün ümidverici proqnoz

Beynəlxalq Enerji Agentliyi neftə qlobal tələbat üzrə aylıq bazar hesabatını açıqlayıb.

Marja xəbər verir ki, agentlik 2021-ci il üzrə qlobal tələbatın həcminə dair proqnozlarını artırsa da, “istehlakın bərpa olunma gücünə dair təhlükələrin hələ də qaldığını” bildirib.

VTB-də minimal faiz dərəcəsi ilə nağd kredit 9.9%-dən

Qərargahı Parisdə yerləşən beynəlxalq qurum cari il üzrə gündəlik neft tələbatının 5,7 milyon barrel artaraq, istehlakın sutkalıq 96,7 milyon barrelə çatacağını qeyd eddib.

Agentlik həmçinin, ötən ilin aprelində son onilliklər ərzində ilk dəfə bu qədər dibə yuvarlanan qiymətlərlə müqayisədə, hazırda fundamental göstəricilərin daha qərarlı olduğunu vurğulayıb: “Ötən il koronavirus pandemiyası səbəbindən neft ehtiyatlarının tələbatı dəfələrlə üstələməsi şoku aradan qalxmaqdadır. Kütləvi peyvəndləmə uğurla davam edir və dünya iqtisadiyyatının daha yaxşı vəziyyətdə olduğunu deyə bilərik”.

Xatırladaq ki, Opec+ iştirakçıları olan qlobal neft istehsalçıları aprelin əvvəlində artan tələbatı qarşılamaq üçün may ayından başlayaraq hasilatı tədricən artırmaq barədə ilkin razılığa gəliblər. Növbəti 3 ay ərzində gündəlik hasilat toplam olaraq 2 milyon barrel artırılacaq. Beynəlxalq Enerji Agentliyi bu qərarı şərh edərək, “razılaşmanın neft bazarındakı canlanmanı qısamüddətli perspektivdə tənzimləyəcəyini və 2021-ci ilin ikinci yarısından başlayaraq artmağa doğru gedəcək qlobal tələbatı qarşılamaq üçün təchizatı daha da yaxşılaşdıracağını” bildirib.

Dünən Opec+-un tədqiqatlar bölməsi də qlobal gündəlik tələbata dair proqnozları 190 min barrel artıraraq, ötən illə müqayisədə günlük artımın 6 milyon barrel təşkil edəcəyini açıqlayıb. Hazırda birjalarda Qərbi Texas neftinin bir barreli 1,5% artaraq 61 dollardan satılır, Brent isə 1,6% artımla 64,7 dollardan təklif olunur.

14.04.2021 15:38