Kiberetəhlükəsizlik şirkətindən yeni hədəf – 40 milyard dollar

Kiberetəhlükəsizlik şirkətindən yeni hədəf – 40 milyard dollar

Darktrace London birjasına çıxır.

Kiberetəhlükəsizlik şirkətindən yeni hədəf – 40 milyard dollar

Böyük Britaniyanın süni intellekt əsaslı kibertəhlükəsizlik şirkəti Darktrace daxili etimad səsverməsindən sonra səhmlərinin bir hissəsini London birjasında satışa çıxarmaq qərarını verib.

Marja xəbər verir ki, ötən il 200 milyon dollar xalis mənfəət əldə edən şirkət bu il ərzində 40 milyard dollar bazar dəyərinə çatmağı hədəfləyib.

2013-cü ildə Böyük Britaniyada – Kembricdə qurulan şirkət qısa müddətdə San-Fransiskoda ikinci böyük qərargahını və 44 ölkədə ofislərini açmışdır. Hazıra təxminən 1300 nəfər işçinin çalışdığı Darktrace 100 ölkədə 4700-dən artıq müştəriyə xidmət göstərir. Şirkətin ən mühüm tərəfdaşları arasında bir sıra texnologiya nəhəngləri, o cümlədən Micsoroft, Zoom, Slack, Okta kimi qabaqcıl liderlər var.

“İstedadlı proqramçı mühəndislərimiz tərəfindən işlənib hazırlanan süni intellekt əsaslı həll yollarımız hazırda bazarda liderlərdən biridir və 4700-dən artıq şirkəti müxtəlif kiber hücumlardan qorumaq üçün müdafiə sistemləri təmin edirik. London birjasında IPO-ya çıxmağımız İngiltərə texnologiya bazarı üçün tarixi bir gün olacaqdır” – şirkətin baş icraçı direktoru Polly Gustafson bildirib.

Darktrace Micsoroft Zoom Slack Okta Kiberetəhlükəsizlik süni intellekt

12.04.2021 11:40