"ABŞ iqtisadiyyatı dönüş nöqtəsindədir"

"ABŞ iqtisadiyyatı dönüş nöqtəsindədir"

ABŞ Mərkəzi Bankının (Fed) sədri Jerome Powell (Cerom Pauel), CBS televiziyası tərəfindən təşkil edilən "60 Dəqiqə" proqramında gündəmə dair açıqlamalar verib.

Marja xəbər verir ki, Jerome Powell, ABŞ iqtisadiyyatının daha sürətli böyüməyə (artmağa) başlayacağını və məşğulluğun sürətlənməsini gözlədiklərini bildirib. O, iqtisadiyyatın "dönüş nöqtəsində" olduğunu deyib.

Powell, "Hazırda gördüyümüz şey, həqiqətən dönüş nöqtəsində görünən bir iqtisadiyyat", - bildirib.

Powell, Kovid-19-a qarşı peyvəndləmənin, güclü maliyyə və pul siyasəti dəstəyinin buna (sürətli inkişafa) səbəb olduğunu ifadə edərək, iqtisadiyyatın daha da sürətli böyüməyə başlayacağını və məşğulluğun sürətlənməsini gözlədiklərini deyib.

"Əsl risk xəstəliyin yenidən yayılmasıdır"

Görünüşün çox yaxşılaşdığına işarə edən Powell, "Hazırda iqtisadiyyatımız üçün əsl risk xəstəliyin yenidən yayılmasıdır" deyib.

Powell, bu ilin ikinci yarısında çox güclü iqtisadi artım gözlədiklərini qeyd edib.

Powell, iqtisadiyyatın bəzi qisimlərinin tamamilə toparlandığını, səyahət, əyləncə kimi sektorların isə hələ çox yaxşılaşa bilmədiyini dilə gətirib.

Powell, iqtisadiyyatın qorxulandan daha yaxşı performans göstərdiyini ifadə edərək, toparlanma tamamlanana qədər iqtisadiyyatı dəstəkləməyə davam edəcəklərini təkrarlayıb.

"Bu il faizləri artırmağımızın mümkün olmayacağını düşünürəm"

İnflyasiyaya dair danışan Powell, faiz nisbətlərini artırmadan əvvəl inflyasiyanın ortaya çıxmasını gözləməyi gözə ala biləcəklərini deyib.

Powell, zaman ərzində orta hesabla 2% inflyasiya hədəflərini xatırladaraq, "Bunu təmin etdiyimizdə, faizləri o zaman artıracağıq" deyib.

Faiz nisbətlərinə dair bir suala Powell, "Bu il faizləri artırmağımızın mümkün olmayacağını düşünürəm",- dedi.

12.04.2021 10:02

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az