Yapon metallurgiya nəhənginə rekord təklif

Yapon metallurgiya nəhənginə rekord təklif

Bununla da sənaye liderlərindən olan Hitachi özünün metal biznesinin bir hissəsini sərfəli qiymətə satacaq.

Yapon metallurgiya nəhənginə rekord təklif

ABŞ-ın ən böyük özəl investisiya şirkətlərindən biri, hazırda aktivlərinin həcmi 120 milyard dollar təşkil edən Bain Capital yapon sənaye nəhənglərindən Hitachinin metallurgiya bölməsi - Hitachi Metals-ın 53 faizlik hissəsini satın almağa yaxındır.

Marja xəbər verir ki, ötən ilin avqustundan davam edən danışıqlarda Bain Capital 8 milyard dollarlıq yekun qiymət təklifi edib.

Hitachi Metals qrupu Hitachi-nin ən mühüm biznes və sənaye bölmələrindən biridir və ötən illərdə məcmu gəliri 881 milyard yen (8 milyard dollar) təşkil edib. Təkcə Yaponiyada 9 istehsal müəssisəsinə malikdir, həmçinin Nyu-Yorkda, Düsseldorfda, Londonda, Parisdə, Şanxayda, Honkonqda, Taipeydə, Sinqapurda ofisləri mövcuddur.

Hitachi Korporasiyası öz biznesinin bir hissəsini satmaqla yanaşı, yeni texnologiya sahələrinə investisiya yatırmaqda qərarlıdır. Bu il martın sonunda Hitachi ABŞ-ın proqram təminatı üzrə mühəndislik qrupu GlobalLogic-i 9,5 milyard dollara satın almağa dair ilkin razılıq əldə edib. Bu, yapon nəhənginin tarixində bir dəfəyə yatırılacaq ən böyük investisiyadır. Hitachi bununla rəqəmsal texnologiyalar bazarında da hökmram mövqe əldə etmək niyyətindədir.

“Əgər şirkət əsas törəmə müəssisələrində, xüsusən Hitachi Construction Machinery və Hitachi Metalsda olan paylarını satıb iri maliyyə vəsaitlərinə çevirə bilsə, özünün ümumi borc öhdəliklərini də qarşılamaq üçün yetərincə likvidliyə malik olacaq” – Moody’s reytinq agentliyinin aparıcı kredit mütəxəssisi Motoki Yanase bildirib.

Bain Capital son illərdə iri sövdələşmələrə imza ataraq, bir sıra mühüm şirkətlərdə pay sahibi olub. 2018-ci ildə digər yapon liderlərindən Toshipanın çip biznesini – Toshiba Memory-ni 18 milyard dollara alan Bain, 2020-ci ilin mayında digər yapon aviasiya bznesi Showa Aircraft-ı 817 milyon dollara əldə edərək, Tokionun qərbində 1 milyon kvadrat metrlik əraziyə, Harley-Davidson motosikllərinin sərgi və satış mərkəzinə, eləcə də bir neçə kiçik otelə yiyələnib.

08.04.2021 13:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az