Azərbaycanda da törəməsi olan iri banka yeni sədr təyin edildi

Azərbaycanda da törəməsi olan iri banka yeni sədr təyin edildi

Azərbaycanda da törəməsi olan iri banka yeni sədr təyin edildi

Azərbaycanda da törəmə bankı olan Türkiyənin Ziraat Bankına (Ziraat Bankası) yeni sədr təyin edilib.

Marja xəbər verir ki, Bankın İdarə Heyətinin sədri vəzifəsinə Alpaslan Çakar təyin edilib.

VTB-də minimal faiz dərəcəsi ilə nağd kredit 9.9%-dən

15 iyul 2011-ci ildən bu yana Ziraat Bankın sədri olan Hüseyin Aydın, 26 Mart tarixində təşkil edilən Bankın yığıncağından sonra vəzifəsini Alpaslan Çakara təhvil verib.

Alpaslan Çakar, Bankın Fərdi bankçılıq Departamentində çalışırdı.

Ziraat Bankının İdarə Heyətinin sədri vəzifəsinə gətirilən Alpaslan Çakar çıxış edərək deyib: “Mən özüm və Ziraat Bank ailəsi adından Bankın memarlarından biri olan cənab Hüseyin Aydına təşəkkür edirəm. O, bankımızın Türkiyənin ən böyük banklardan biri olmasında ən təsirli və əhəmiyyətli şeyləri etdi, böyük dəyişikliklərə imza atdı. Bu vəzifəni bank sektorunun dəyərli ustalarından təhvil aldığıma görə qürur duyuram. Təmsil edəcəyim vəzifənin məsuliyyətini dərk edərək ölkəmizə və Bankımıza xidmət etmək üçün səylə çalışacağam".

Alpaslan Çakar 1995-ci ildə Ankara Universiteti Siyasi Elmlər Fakültəsinin Dövlət İdarəetmə Bölməsini bitirib və karyerasına 1996-cı ildə Ziraat Bankında Müfəttiş köməkçisi olaraq başlayıb.

Qeyd edək ki, "Ziraat Bank Türkiyə" "Ziraat Bank Azərbaycan" ASC-nin səhmdarıdır.

26.03.2021 14:44