Kanadanın dəmiryol şirkətindən böyük həmlə - 25 MİLYARD DOLLARLIQ SÖVDƏLƏŞMƏ

Kanadanın dəmiryol şirkətindən böyük həmlə - 25 MİLYARD DOLLARLIQ SÖVDƏLƏŞMƏ

Nəticədə ABŞ, Meksika və Kanadanın dəmiryol şəbəkələri vahid sistemdə birləşəcək.

Kanadanın dəmiryol şirkətindən böyük həmlə - 25 MİLYARD DOLLARLIQ SÖVDƏLƏŞMƏ

Canadian Pacific Railways Ltd ABŞ-ın Kansas City Southern şirkətini 25 milyard dollara satın almaq barədə ilkin razılığa gəlib.

Marja xəbər verir ki, növbəti illərdə tam rəsmiləşəcək sövdələşmə ABŞ, Meksika və Kanadanı birləşdirəcək və Şimali Amerika regionunda ticarətə təkan verəcək nəhəng dəmiryol xəttinin qurulmasını da nəzərdə tutur.

VTB-də yüksək depozit faizləri daha çox qazandırır

Ötən il ABŞ, Meksika və Kanada arasında Üçtərəfli Saziş (USMCA) ratifikasiya olunduqdan sonra, koronavirus pandemiyasına görə zəifləmiş təchizat zəncirinin yenidən bərpasına dair gözləntilər böyükdür. “Baxın: biz nələrdən keçmişik, Şimali Amerikada formalaşacaq bu dayağın vacibliyi haqqında düşünün. Bu şəbəkə bizim tərəfdaşlarımıza və müştərilərimizə həqiqətən də ondan fayda götürməyə və istifadə etməyə imkan verəcək təchizat zənciri yaradır” - Canadian Pacific-in direktoru Keyt Kriil öz müsahibəsində bildirib.

Şirkətlər arasındakı birləşmənin ABŞ-ın Quru Nəqliyyatı Şurası (Surface Transporation Board) tərəfindən 2022-ci ilin ortasına kimi təsdiqlənəcəyi gözlənilir. Həmin vaxta qədər Canadian Pacific Kansas City Southern-in səhmlərini satın alaraq, xüsusi trastda yerləşdirəcək. Hazırkı sövdələşmə dəmiryol sənayesi tarixində ikinci ən iri həcmli alqı-satqıdır. Dünya milyarderlərinin reytinqində ilk 10-luqda qərarlaşan qocaman Amerikalı Uorren Baffetin rəhbərlik etdiyi Berkshire Hathaway transmilli korporasiyası 2010-cu ildə BNSF (Burlington Northern Santa Fe Corporation) dəmir yol şirkətini 26,4 milyard dollara satın alaraq, bu sektorda rekord qırmışdı.

Baş qərargahı Kalqaridə yerləşən Canadian Pacific Railways şirkəti Canadian National Railway Co Ltd-dən sonra Kanadanın ikinci ən böyük dəmiryol operatorudur. Şirkətin hazırkı bazar dəyəri 50 milyard dollardan artıq təşkil edir.

22.03.2021 08:36

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az