Dərman preparatlarında qıtlıq

Dərman preparatlarında qıtlıq

Koronavirus peyvəndinin istehsalında qlobal rəqabət digər vacib dərman preparatlarında qıtlıq yaradıb.

Əczaçılıq nəhəngi Pfizer artıq xəstəxanaları xəbərdar edib.

Marja xəbər verir ki, COVID-19 virusu ilə mübarizə üçün peyvəndlərin kütləvi istehsalı və hökumətlərin milli dərman şirkətlərinə durmadan təzyiq etməsi bir sıra başqa həyati əhəmiyyətli dərmanların isteshalını kəskin şəkildə azaldıb. Bunlara xüsusilə digər yoluxucu xəstəliklərin müalicəsində tətbiq olunan vasitələr və görmə qabiliyyətini itirmənin qarşısını alan inyeksiyalar daxildir.

VTB-də yüksək depozit faizləri daha çox qazandırır

ABŞ-ın və dünyanın ən iri əczaçılıq şirkətlərindən biri, 2020-ci ildə 47,64 milyard dollar gəlirlə ən böyük amerikan korporasiyalarının siyahısı olan Fortune 500-də 64-cü sırada qərarlaşan Pfizer bir sıra hospitallara məlumat göndərərək, bir antibiotik və bir steroidin, eləcə də testosteron tərkibli digər iki preparatın təchizatında kəsintilərə hazır olmaları barədə xəbərdarlıq edib. Dərman qıtlığı bu ilin ikinci yarısında özünü daha ciddi şəkildə biruzə verəcək.

Pfizer bu il ən azı 2 milyard COVID peyvəndi təchiz etməyi planlaşdırır. Hazırda bazardakı digər şirkətlər də dərman vasitələrinin təchizatında çətinliklə üzləşir, bəzən isə inyeksiyaları qablaşdırmaq üçün şüşə flakonlar yetərincə tapılmır. Schott North America şirkətinin vitse-prezidenti Kristofer Kassidi xəstəxanalarda hər zaman təcili yardım bölmələrində mütləq saxlanmalı olan insulin, kimyaterapiya və digər dərman vasitələrinin də artıq çatışmadığını bildirib.

Moderna və Johnson&Johnson kimi peyvənd istehsalçılarını təchiz edən Catalent və Horizon Therapeutics də əsas gücü ilk növbədə vaksin istehsalına veriblər, bu isə minlərlə tiroid göz xəstələri üçün olduqca vacib preparat olan Tepezzanın bir müddət yoxluğu deməkdir.

20.03.2021 09:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az