Tesla yenə eniş-yoxuş burulğanındadır – ekspertlər fərqli proqnozlar verir

Tesla yenə eniş-yoxuş burulğanındadır – ekspertlər fərqli proqnozlar verir

Bəzi analitiklər şirkətin bu il daha çox dəyər qazanacağını, digərləri isə kəskin enişə məruz qalacağını iddia edir.

Tesla yenə eniş-yoxuş burulğanındadır – ekspertlər fərqli proqnozlar verir

ABŞ-ın elektromobil istehsalçısı və təmiz enerji şirkəti, hamının yaxşı tanıdığı Tesla Inc. son bir il ərzində bazar kapitallaşmasını 800 milyard dollara qədər artırıb.

Marja xəbər verir ki, indi də özünü “Texnokral” adlandıran qalmaqallı Elon Maskın şirkəti təkcə 2020-ci il ərzində 650% dəyər qazanıb. Doğrudur, bu ilin fevralında şirkət kəskin bazar dəyəri itirərək, 600 milyard dollarda qərarlaşıb, lakin son həftələrdə yenidən geri dönüş edərək, hazırda təxminən 679 milyard dollar həcmində qiymətləndirilir.

VTB-də minimal faiz dərəcəsi ilə nağd kredit 9.9%-dən

Böyük Britaniyanın Lansdowne Partners investisiya idaretmə şirkətinin fond meneceri Per Lekander qeyd edir ki, Tesla sanki bir sabun köpüyüdür və süni şəkildə şişirdilib, əslində isə tezliklə bugün diqtə etdiyi bazar dəyərini itirəcək və o zaman digər ənənəvi avtomobil istehsalçılarına yatırım edən bəzi investorlar bundan yaxşıca qazanacaq: “Fikrimcə, bu il ənənəvi sənaye nəhəngləri, real istehsalçılar bazara geri dönəcəklər”.

Lekander hazırda 119 milyard avro (149 milyard dollar) həcmində qiymətləndirilən Volkswagen barədə daha optimist olduğunu bildirib.

ABŞ-ın özəl investisiya şirkəti Wedbush Securities-in analitiki Dan İves isə əksinə, ilin əvvəlindəki volatil başlanğıcdan sonra, Teslanın yenidən dəyər qazanmağa başladığını deyir: “Elektromobil istehsalını genişləndirməsi və cari ilin martında Çində tələbatın artması Teslanın uğuruna müsbət təsir göstərir. Qeyri-sabit yanvar və durğun fevraldan sonra proses müsbətə doğru gedir”.

Per Lekander bununla razılaşmır: “ABŞ-da CISCO-ya, Avropada isə Nokia-ya baxın, buna ən yaxşı sübutdur. Hər ikisi bir zamanlar fantastik sürətlə artdılar və bazarın liderinə çevrildilər, amma sonra 80%-ə qədər enişdən xilas ola bilmədilər. İndiki texnoloji ajiotajın da sonu gələcək”.

17.03.2021 15:38