Avtomobil krediti bərpa olundu - 20% ilkin ödəniş, 5 ilədək

Avtomobil krediti bərpa olundu - 20% ilkin ödəniş, 5 ilədək

Avtomobil krediti bərpa olundu - 20% ilkin ödəniş, 5 ilədək

Azərbaycanda 10 markanın rəsmi distrubyutoru olan “Avtolux Azərbaycan” şirkəti avtomobillərin 5 illik kreditlə satışına başlayıb.

VTB-də yüksək depozit faizləri daha çox qazandırır

Tələblərə görə, yeni avtomobilin kreditlə satışı zamanı ilkin ödəniş 40% olmalıdır. “Avtolux Azərbaycan” şirkətində isə ilkin ödəniş 20% təşkil edir.

“Avtolux Azərbaycan” şirkətinin direktoru İbrahim Əhmədov “Marja”ya bildirdi ki, yenicə olaraq “Xalq Bank” ilə əməkdaşlıq çərçivəsində avtomobillərin kreditlə satışına başlanılıb. Müştərinin ödəyəcəyi ilkin ödəniş 20%, kredit faizi 17%, müddət isə 5 ilədəkdir.

“Qaydalara görə, avtomobil kreditində ilkin ödəniş minimum 40% olmaldır. Biz müştərilərin rahat avtomobil almalarını təmin etmək üçün, 40 faiz olan ilkin ödənişin 20%-ni üzərimizə götürmüşük. Yəni, ilkin ödənişin 20%-ni müştəri, 20 faizini isə şirkətimiz ödəyir”.

Bu gün “Avtolux Azərbaycan” şirkəti yeni “Jeep Renegade Trailhawk” modelinin təqdimatını keçirib. Bu avtomobili 10600 manat ilkin ödəniş etməklə, 5 il müddətinə, 1053 manat aylıq ödənişlə əldə etmək olar.

“Jeep Renegade Trailhawk” modelinin təqdimat mərasimindən öncə keçirlmiş mətbuat konfransında “Avtolux Azərbaycan” şirkətindən brend meneceri Azər Cəlilov bildirdi ki, Renegade modeli 2.4 litr, 184 at gücündə mühərriklə və 9 pilləli avtomatik transmissiya ilə təchiz edilir. Avtomobilin qiyməti 53 min manatdır. Maksimum 180 km/saat sürətlə hərəkət edə bilən Jeep Renegade modeli, 100 km-ə orta hesabla 8.1 litrlik yanacaq sərf edir. Renegade modeli 351 litrlik baqaj həcmilə də uzun səyahətlər üçün yetərli yükləmə imkanı təqdim edir.

Qeyd edək ki, “Avtolux Azərbaycan” şirkəti “Fiat”, “Fiat Professional”, “Jeep”, “Dodge”, “Chrysler”, “Alfa Romeo”, “Abarth”, “Ferrari”, “Aston Martin” və “Lamborgini” brendlərinin Azərbaycanda rəsmi distribyutorudur.