"Qeyri-neft ixracını təşviq edən strategiya həyata keçiriləcək”

"Qeyri-neft ixracını təşviq edən strategiya həyata keçiriləcək”

"Qeyri-neft ixracını təşviq edən strategiya həyata keçiriləcək”

Azərbaycan hökuməti qeyri-neft ixracının artımını təşviq edən strategiya həyata keçirəcək.

Marjanın məlumatına görə, bunu İqtisadiyyat naziri Mikayıl Cabbarov bildirib.

Nazir qeyd edib ki, yalnız şaxələnmiş iqtisadiyyat dayanıqlı ola bilər: “Bu məsələ əvvəllər olduğu kimi əsas hədəflərdən biridir. Hökumət qeyri-neft ixracının genişləndirilməsinə və rəqabətli klastırların inkişafının sürətləndirilməsinə nail olmaq niyyətindədir. Bu məqsədlə qeyri-neft ixracının artımını təşviq edən strategiya həyata keçiriləcək”.

"İXRAC POTENSİALI YÜKSƏK OLAN 120-YƏ YAXIN MƏHSUL VAR"

Mikayıl Cabbarov əlavə edib ki, yeni milli ixrac strategiyası ixrac məhsullarının həm çeşidinin, həm də satış bazarlarının coğrafiyasının genişləndirilməsini ehtiva edəcək: "Hazırda ixrac potensialı yüksək olan ölkəmizin 120-yə yaxın məhsulu vardır. Bu məhsulların 20-dən çox hədəf bazarları üzrə istiqamətləndirilməsi nəzərdə tutulur. Bu sahədə innovativ ekosistem inkişaf etdirilməlidir. Qeyri-neft ixracının həcminin 2025-ci ildə 2020-ci ilə nisbətən 2 dəfə çox olması hədəflənir".

Qeyd edək ki, 2020-ci ildə qeyri neft-qaz məhsullarının ixracı əvvəlki illə müqayisədə faktiki qiymətlərlə 5,3 faiz, real ifadədə isə 16 faiz azalaraq 1 milyard 851,3 milyon dollar təşkil etmişdir.

Bir çox ölkələr vergi və valyuta siyasətləri, ixraca hazırlıq, markalaşma, bazar araşdırma, sərgilərdə iştirak və s. üsullar ilə ixraclarına dəstək verirlər.

15.02.2021 07:55