Bakıda ölçüləri kiçik, imkanları böyük Jeep təqdim olundu

Bakıda ölçüləri kiçik, imkanları böyük Jeep təqdim olundu

Bakıda ölçüləri kiçik, imkanları böyük Jeep təqdim olundu

Azərbaycanda kiçik SUV bazarında rəqabət artır

Jeep markasının daha geniş kütlələrə çatmasını təmin edən və böyük rəğbət ilə qarşılanan yeni Renegade modeli ölkəmizdə də satışa təqdim olundu."Marja" xəbər verir ki, Mayın 5-də markanın Azərbaycanda rəsmi distribyutoru "Autolux Azerbaijan" şirkəti Jeep Renegade Trailhawk modelinin təqdimatını keçirib.

Şirkətin Ü. Hacıbəyli, 57 ünvanında yerləşən “Jeep” salonunda keçirilmiş təqdimatda bildirilib ki, Renegade Jeep-in model sırasının ən qabiliyyətli balaca SUV-sidir. Markanın ən uğurlu modelləri arasında yer alan Renegade 2.4 litr, 184 at gücündə mühərriklə və 9 pilləli avtomatik transmissiya ilə təchiz edilir. Modelin Azərbaycanda Trailhawk versiyası satışa təqdim olunur. 53 min manat satış qiymətilə diqqət çəkən Renegade modeli ilə Jeep markası, Azərbaycanda da kiçik və orta SUV sinifində bazar payını artırmağı hədəfləyir.

Avtomobili 20 faiz ilkin ödəniş, 17 faiz illik və 5 il müddətinə kreditlə əldə etmək mümkündür.

Maksimum 180 km/saat sürətlə hərəkət edə bilən Jeep Renegade modeli, 100 km-də orta hesabla 8.1 litrlik yanacaq sərfiyyatı ilə də ön plana çıxır. Renegade 351 litrlik baqaj həcmilə də uzun səyahətlər üçün yetərli yükləmə imkanı təqdim edir.

Qısası, ənənəvi yeddi nəfəslikdən, güclü duruşuna qədər Jeep Renegade sözün əsl mənasında bir Jeep-dir. Renegade, yüksək manevr qabiliyyəti sayəsində, şəhərdə və ya yolsuzluq şəraitində səyahət etmək, yeni yollar kəşf etmək üçün mükəmməl bir avtomobildir.

Qeyd edək ki,ərazi vasitələrinin ikon markası olan Jeep, ötən il dünya miqyasında bir milyonluq satış səddini keçmişdir.

"Autolux Azerbaijan" şirkəti Azərbaycanda “Fiat Chrysler Automobiles Group”un rəsmi distribyutorudur.

Ətraflı məlumat almaq üçün Ü. Hacıbəyli, 57 ünvanında yerləşən rəsmi satış nümayəndəliyinə və ya 983 qısa telefon nömrəsinə müraciət edə bilərsiniz.

09.05.2017 09:35

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az