Qiyməti 19 dollardan 300 dollara yüksəlib - "DƏLİLİYƏ" MÜDAXİLƏ EDİLƏ BİLƏR

Qiyməti 19 dollardan 300 dollara yüksəlib - "DƏLİLİYƏ" MÜDAXİLƏ EDİLƏ BİLƏR

ABŞ sərmayə bazarları sosial media üzərindən spekulyasiya edilən Gamestop şirkətinin səhmlərindəki sürətli bahalaşmanı danışır. Şirkətin səhmləri son bir həftədə 8 dəfə bahalaşıb. Ağ Evdən müdaxilə siqnalı verilib. Ağ Evdən verilən məlumata görə, ABŞ-ın yeni maliyyə vaziri Janet Yellen şirkət səhmlərində yaradılan spekulyasiyanı yaxından izləyir.

Qiyməti 19 dollardan 300 dollara yüksəlib - "DƏLİLİYƏ" MÜDAXİLƏ EDİLƏ BİLƏR

ABŞ-da sərmayə bazarlarının gündəmində biznes fəaliyyəti sual altında olan, buna baxmayaraq səhmləri son günlərdə sürətli bahalaşma qeyd edən bir şirkət var: Gamestop.

Sosial media üzərindən aparılan bir kampaniya ilə səhmləri bir həftədə 8 dəfə bahalaşan və bazar dəyərindəki artım 20 milyard dollara çatan Gamestop, ABŞ Maliyyə Nazirliyinin də "radarına" daxil olub.

VTB-də minimal faiz dərəcəsi ilə nağd kredit 9.9%-dən

Marja xəbər verir ki, Ağ Evin sözcüsü Jen Psaki ABŞ Maliyyə Nazirliyinin və ABŞ Prezidenti Joe Bidenin iqtisadi komandasının Gamestop səhmlərində yaşanan prosesləri izlədiyini bildirib. Psaki şirkət səhmlərindəki hərəkətləri "fövqəladə" olaraq xarakterizə edib, yaşananlardan sonra Birjanın ABŞ iqtisadiyyatının sağlamlığı baxımından bir göstərici olmadığına daha bir dəfə dəlil təqdim etdiyini ifadə edib.

Reddit kimi platformalarda başlayan müzakirələr şirkətin səhmlərində sürətli bahalaşmaya səbəb olub. 2020-ci ilə 19 dollarla başlayan şirkət səhmlərinin dəyəri 300 dolları aşıb. Təkcə 27 Yanvar günündə şirkət səhmlərində gündəlik qiymət atım 118% olub.

ABŞ-da sərmayə bazarları mütəxəssisləri, Gamestop ilə əlaqədar proseslərin kiçik sərmayəçilərə böyük zərərlər yarada biləcəyi barədə xəbərdarlıq edirlər.

2008-ci il maliyyə böhranından əvvəl ipoteka təminatlı aktivlərə qarşı mövqe açması ilə məşhurlaşmış sərmayəçi Michael Burry Gamestop-dakı prosesləri "'təhlükəli" olaraq xarakterizə edib.

ABŞ-da 5 min 500 ətrafında mağazası olan GameStop, son illərdə oyun sektorunun internetə keçməsilə əlaqədar olaraq gəlir itkisi yaşayır. 2020-nin 9 ayında pandemiya səbəbilə, şirkət, gəlirlərinin 31% azaldığını açıqlayıb.

Şirkət 2019-da 471 milyon dollar zərər açıqlayıb, pandemiya dövründə də hər rübdə zərər edib.