InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR.

Avrozonanın xidmət və sənaye sektorlarına dair fundamental göstəricilərin müsbət açıqlanması, avronun məzənnələrinə dəstək olub. 1.22$-ın qırılması ilə bahalaşmanın 1.23$-a kimi davam edəcəyi proqnozlaşdırılır.

Bu həftə çərşənbə günü Bakı vaxtı ilə saat 23:30-da baş tutacaq FED-in mətbuat konfransı da önəmli rol oynayacaqdır.

GBP.

Foreks bazarlarında dolların və enerji birjalarında neft qiymətlərinin bahalaşması, GBPUSD məzənnəsinə də dəstək olmaqdadır. Çərşənbə axşamı saat 11:00-da dərc ediləcək İngiltərənin əmək bazarına dair önəmli funsamental göstəricilər öncəsi funt sterlinq üzrə proqnozlar da bahalaşmağın davam edəcəyi istiqamətindədir. Ən yaxın hədəfi isə 1.38$-dır.

TRY.

USDTRY məzənnəsi s on bir ay ərzində 7.50 - 7.30TL aralığında dalğalanıb. Bu həftə də Türkiyə prezidenti Rəcəb Tayyib Ərdoğanın maliyyə siyasəti haqqında son çıxışında yenidən yüksək faizlərə qarşı olmasını vurğulaması, TCMB-nin gələcək faiz qərarına dair ehtimallara da təsir etməklə yanaşı, USDTRY məzənnəsinin son səviyyələr aralığında dalğalanmasınmaqda davam edəcəyinə təsir edəcəyi proqnozlaşdırılır.

Bununla bərabər gələn həftə açıqlanacaq inflyasiya fonunda proqnozlar da diqqət mərkəzində saxlanılmalıdır. Burada 14%-ə düşmə ehtimalları, lirəyə də müsbət təsir edə bilər.

OIL.

Neftə tələbin artacağı proqnozları qiymətlərin də bahalaşmasına səbəb olur. Təhlillərə əsasən, bir barel üzrə qiymət 56$-ı qırarsa, 57$-a kimi dəyər qazana bilər.

Çərşənbə günü saat 19:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD.

Amerika hökümətində “mavi dalğa” gözləntiləri əlvan metallar bazarlarında qızılın da bahalaşmasına səbəb olur. Hazırda 1855$-ın üzərində təklif edilən bir unsiya üzrə qiymət 1861$-ı (59.8 $/qram) yuxarı istiqamətdə qırarsa, 1915$-a (61.6 $/qram) kimi dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.