29 Aprel 2017-ci il tarixində “Mercedes Benz” avtomobillərinin Azərbaycanda dileri “Autostar Kaukasus” şirkəti tərəfindən avtomobillərin ənənəvi sınaq sürüşü tədbiri təşkil edilmişdi.

“Boulevard Hotel”də keçirilmiş sınaq yürüşünə “Mercedess-Benz”in 6 modeli təqdim edilmişdi.

“AutoStar Kaukasus” şirkətinin Baş direktoru Kamil Məmmədov “Marja”ya bildirdi ki, atıq insanlar  avtomobil seçərkən, brend arasında deyil, avtomobilin texniki xüsusiyyətləri və yürüş qabiliyyəti üzərində seçim edir:

“Məqsəd potensial alıcıları “Mercedess-Benz” model sırası ilə sürərək tanış etməkdir. Bu gün 6 modelimiz sürmək üçün, 3 modelimiz isə tanışlıq üçün nümayiş edilir . Test-drayv üçün yeni “V-Class”, yenilənmiş “GLS”, yenilənmiş “GLE”, tam yen  “GLC Cupe”, yeni “E-Class” və “C-Class” modelidir. Əlavə olaraq “CLA”, “CLS” və “E43” modelləri də sərgilənir”.

BAKIDA YENİ “S-CLASS”IN TƏQDİMATI KEÇİRİLƏCƏK

Kamil Məmmədov qeyd etdi ki, bu ilin İyun ayında Bakıda yenilənmiş “S-Class” modelinin təqdim edilməsi planlaşdırılır:

“Yenilənmş “S-Class” artıq çıxıb. Distribyutor “Avto Kapital-Azərbaycan” şirkəti və onun dilerləri “AutoStar Kaukasus” şirkəti və Abşeron Avtomobil Mərkəzi birgə möhtəşəm təqdimat keçirməyi nəzərdə tutur.

Bundan başqa, bu il “A-Class” sedan modelinin təqdimatı planlaşdırılır.

Bildiyimiz kimi, “Mercedess-Benz” ötən ilin sonlarına yaxın ilk pikap modelini təqdim edib. Çatsaq,  ilin sonunda  “Mercedes Benz”in pikap modeli olan “X-Class”ı da təqdim etməyi planlaşdırırıq”.

“SATIŞLARIMIZ ARTIB”

Kamil Məmmədov əlavə etdi ki, 2016-cı ilin 1-ci rübü ilə müqayisədə 2017-ci ilin 1-ci rübündə satışlar daha yüksək olmuşdur:

“Dekabr ayında “AutoStar Kaukasus” şirkəti tərəfindən 22 ədəd, Abşeron Avtomobil Mərkəzi tərəfindənisə 10 Mercedes-Benz avtomobili satılıb. Öncədən sifarişlər ötən ilin eyni dövrü ilə müqayisədə 3 dəfə artıb. Artıq Avqust ayına qədər olan limitimiz bitib.

Ən cox təlabat yeni modellərədir. Ən çox “GLS”, “GLS Cupe”, “GLE Cupe” və “E-Class” modelləri alınır. “GLS Cupe”yə təlabat çox yüksəkdir və zavod müyyən sayda göndərdiyindənbiz təlabatı ödəyə də bilmirik”.