Tezliklə Qarabağa və Şəhidlərə həsr olunmuş fotobank istifadəyə veriləcək

Tezliklə Qarabağa və Şəhidlərə həsr olunmuş fotobank istifadəyə veriləcək

Bu işdə hər birinizin töhfəsi ola bilər!

Tezliklə Qarabağa və Şəhidlərə həsr olunmuş fotobank istifadəyə veriləcək

Tezliklə istifadəyə veriləcək platforma vasitəsilə hər bir istifadəçi şəhidlər haqqında məlumat əldə edə, eyni zamanda mövcud məlumatı yeniləyə və zənginləşdirə biləcək. Bunun sayəsində üç dildə fəaliyyət göstərəcək platforma daim inkişaf edib təkmilləşəcək.

Bundan savayı, fotobankda Qarabağın tarixinə, məişətinə və mədəniyyətinə aid şəkillər, eləcə də, istər 90-cı illərdə, istərsə də sentyabrın 27-də başlayan son Qarabağ savaşında vuruşan hərbçilərin qısa həyat hekayələri yer alacaq.

VTB-də minimal faiz dərəcəsi ilə nağd kredit 10.49%-dən

Bu məqaləni oxuyan hər bir kəsdən əlində olan məlumatları foto@karabakhlife.az ünvanına göndərərək, bizimlə bölüşməyini rica edirik. Biz Qarabağın sabahı üçün dünənini yaddaşlara həkk etməliyik! Göndərilən məlumatlar şəhidlərin şəkilləri və onların həyatları haqqında bilgilər, eyni zamanda, Qarabağda müxtəlif illərdə çəkilmiş istənilən şəkillər və şəxsi-ailə fotoları ola bilər.

“PAŞA Həyat” şirkətinin Korporativ Kommunikasiya şöbəsinin müdiri Vəli Məmmədov öz fikirləri ilə bölüşüb: "Şəxsən mənim üçün tarix sadəcə keçmiş deyil, bu günümüzdür. Tariximizi bu günə çevirməyi bacarmalıyıq. Bu səbəbdən hər bir soydaşıma üzümü tutub deyirəm, birlikdə tariximizi yaza və gələcək nəsillərə miras qoya bilərik. İnanıram ki, hər kəsin unikal şəkilləri və Qarabağla bağlı önəmli məlumatları var. Xahiş edirəm, bu cümlələri oxuduqdan həmən sonra əlinizdə olan məlumatları bizə göndərin, arxivinizi bizimlə bölüşün."

Nəzərinizə çatdıraq ki, bu layihə “PAŞA Həyat” və “PAŞA Holding” şirkətləri tərəfindən həyata keçirilir. Məqsəd Qarabağla bağlı məlumatları bir yerə toplayıb saxlamaq və yaymaq, şəhidlərimizin xatirəsini əbədiləşdirməkdir.

23.12.2020 11:23

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az