Foreks bazarlarında dolların ucuzlaşması müşahidə edilir - GÜNƏ BAXIŞ

Foreks bazarlarında dolların ucuzlaşması müşahidə edilir - GÜNƏ BAXIŞ

FED TOPLANTISI FONUNDA EURUSD, GBP/USD, QIZIL VƏ NEFT

Bu gün Bakı vaxtı ilə saat 23:00-da FED faiz qərarını, saat 17:30-da ABŞ-ın pərakəndə satış dövriyyəsi ilə bağlı statistik göstəricilər açıqlanacaq.

Analitiklər faiz dərəcələrinin sabit saxlanılacağını, istiqraz alışlarında böyük bir artım elan etməyəcəyini proqnozlaşdırırlar. FED həmçinin üç ayda bir keçirilən “FOMC” iclaslarını müşayiət edən İqtisadi Proqnozlar Xülasəsində, qeyri-müəyyənlik və ya risk səviyyəsini göstərən yeni qrafiklər dərc etməyi də planlaşdırır.

Hazırda foreks bazarlarında dolların ucuzlaşması müşahidə edilir. Bu, özünü avro, funt, qızıl və neftin qiymətlərində də göstərir.

FED-İN AÇIQLAMALARI ÖNCƏSİ AVRODA BAHALAŞMA

Təhillərə əsasən, EURUSD cütlüyündə 1.2177 səviyyəsi qırılarsa, ondan sonra kəsilə biləcək növbəti hədəfləri 1.2211 və 1.2258 səviyyələri ola bilər.

Qeyd edək ki, saat 14:00-da Avrozona üçün ticarət balansı saldosu güstəricisi açıqlanacaqdı.

FUNT DA YENİDƏN BAHALAŞIR

Bu gün saat 11:00-da İngiltərədə inflyasiya səviyyəsi və ticarət dövriyyəsi ilə bağlı statistik göstəricilər dərc ediləcəkdir.

Analitiklər nəticələrin artımla açıqlanacağını proqnozlaşdırırlar. Bu səbəbdən də qiymət 1.3445 səviyyəsi üzərində qaldıqca, 1.3538 və 1.3617 səviyyələri test edilə bilər.

NEFTDƏ YENİ MAKSİMUMLAR

Çərşənbə axşamı Brent neftinin 50$-ın üzərində dəstək gördüyünün şahidi oluruq. Beləliklə, 51.04$ səviyyəsi qırılarsa, növbəti hədəfləri 52$ və 53$ səviyyələridir.

QIZIL BAHALAŞDI

Qızılın qrafikinə H1-də nəzər yetirdikdə, qiymətin bahalaşdığının şahidi oluruq.

Qiymət əgər 1855.50$ səviyyəsi üzərində qalarsa, növbəti hədəfləri 1875.14$ və 1898.48$ səviyyələri ola bilər.

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.

16.12.2020 11:05