FDA: Moderna peyvəndi 94,1% təsirlidir

FDA: Moderna peyvəndi 94,1% təsirlidir

ABŞ Qida və Dərman Administrasiyası (FDA) Moderna şirkətinin inkişaf etdirdiyi peyvəndin koronavirusa qarşı 94,1% təsirli olduğunu açıqlayıb.

ABŞ-ın Pfizer şirkətinin Almaniyanın bio-texnologiya şirkəti Biontech ilə inkişaf etdirdiyi koronavirus peyvəndinə təcili istifadə təsdiqi verən ABŞ Qida və Dərman Administrasiyası (FDA) ABŞ-ın Moderna şirkətinin inkişaf etdirdiyi peyvəndin də koronavirusa qarşı təsirli olduğunu açıqlayıb.

Marja xəbər verir ki, təşkilat tərəfindən açıqlanan qiymətləndirmədə Moderna peyvəndinin son araşdırmada 94,1% təsirli olduğu müəyyən edilib. Moderna peyvəndinin yaşı 65 və yüksək qrup üçün 86,4% təsirli olduğu açıqlanıb.

Araşdırmanın ardından bir neçə gün ərzində Moderna peyvəndinə təcili təsdiqin verilməsi gözlənilir. Pfizer-Biontech peyvəndinə aparılmış araşdırmanın ardından bir neçə gün sonra təsdiq verilmişdi.

Artıq ABŞ-da Pfizer-Biontech peyvəndinin istifadəsinə başlanılıb.

15.12.2020 17:29