ABŞ neft qiymətləri üzrə proqnozunu yüksəldib

ABŞ neft qiymətləri üzrə proqnozunu yüksəldib

ABŞ neft qiymətləri üzrə proqnozunu yüksəldib

ABŞ-ın Energetika Nazirliyi yanında Energetika İnformasiyası Agentliyi (EIA) 2020-ci ildə "Brent" markalı neftin bir barelinin orta qiymətinin 41,43 ABŞ dolları olacağını proqnozlaşdırır ki, bu da əvvəlki proqnozdan 2,02% çoxdur.

EIA-nın aylıq hesabatına görə, əvvəlki proqnoza əsasən, bu il "Brent" markalı neftin orta qiymətinin 40,61 dollar olacağı gözlənilirdi.

Məlumata görə, 2021-ci ildə sözügedən markalı neftin ortalama qiymətinin 48,53 dollar səviyyəsində olacağı gözlənilir. Bu, ötən proqnozdan 4,16% çoxdur.

Agentlik WTI markalı neftin bu il orta qiymətinin 38,96 dollar (1,88% artım), 2021-ci ildə isə 45,78 dollar (3,48% artım) səviyyəsində olacağını proqnozlaşdırır.

Gələn il neft bazarında tələb təklifi üstələyəcək - PROQNOZ

ABŞ-ın Energetika Nazirliyi yanında Energetika İnformasiyası Agentliyi (EIA) 2020-ci ildə dünyada neftə və digər maye karbohidrogenlərə olan gündəlik orta tələbat üzrə proqnozunu azaldıb.

Hesabata görə, 2020-ci ildə bu göstəricinin 92,38 mln. barel səviyyəsində olacağı proqnozlaşdırılır. Əvvəlki proqnozda bu rəqəm 92,91 mln. barelə bərabər idi.

Buna baxmayaraq, agentlik 2021-ci üzrə proqnozunu azaldıb. Belə ki, proqnoza görə, bu göstəricinin 98,16 mln. barel olacağı gözlənilir. Bu, əvvəlki proqnozdan 640 min barel azdır.

Bununla yanaşı, Agentlik gələn il neft bazarında 740 min barel həcmində defisitin qeydə alınacağını proqnozlaşdırır. Belə ki, proqnoza əsasən, 2021-ci ildə bazarda gündəlik neft təklifi 97,48 mln. barel həcmində olacaq.

APA

09.12.2020 10:30