EUR. 

Beynəlxalq valyuta birjalarında koronavirusa qarşı peyvəndin tapılmasına dair müsbət xəbərlərə EUR/USD məzənnəsinin daha çox reaksiya verdiyi müşahidə edilir. Bununla yanaşı, çərşənbə axşamı Bakı vaxtı ilə saat 14:00-da dərc ediləcək Avrozonanın inflyasiya səviyyəsinə dair göstəricilər fonunda proqnozlar da müsbət istiqamətindədir. Çərşənbə günü və cümə axşamı müvafiq olaraq saat 14:00-da açıqlanacaq işsizlik və pərakəndə satış dövriyyəsi göstəriciləri də diqqət mərkəzindədir. 

Beləliklə, noyabr ayından bahalaşmağa başlayan avro, 1.20$-a kimi bahalaşa bilər. 

GBP. 

GBP/USD məzənnəsinin isə 1.3363$-ın qırılması ilə 1.35$-a kimi də bahalaşacağı proqnozlaşdırılır. 

Breksit ticarət sazişi danışıqlarının önəmli mərhələsini aşa bilməməsinə baxmayaraq, dollardaki ucuzlaşma özünü burada da göstərir. 

Bu baxımından bu həftə Amerikanın xidmət, sənaye və əmək bazarına dair yayımlanacaq önəmli fundamental göstəricilər də böyük maraqla gözlənilməkdədir. 

TRY. 

Türkiyə Mərkəzi Bankı (TCMB) lirəyə və ölkədəki inflyasiyaya müsbət təsir edə bilmək üçün sərtləşdirmə siyasəti aparır. Beləliklə, lirədə növbəti bahalaşma dalğası bankın növbəti addımlarından asılı olacaqdır. 

Təhlillərə əsasən, USD/TRY məzənnəsi cari həftə ərzində 7.90TL-nin altında qaldıqca, 7.62TL-yə kimi ucuzlaşa bilər. 

OIL. 

Dünya enerji birjalarında Brent neftinin bir barel qiym əti 49$-a kimi dəyər qazandıqdan sonra korreksiyaya başlayıb və 46.64$-a kimi dərinləşəcəyi proqnozlaşdırılır. 

Çərşənbə günü saat 19:30-da dərc ediləcək ABŞ-ın neft ehtiyatları ilə göstəriciləri bu həftə də treyderlər tərəfindən böyük maraqla gözlənilir. 

GOLD. 

Gələn il üzrə qlobal iqtisadi proqnozların yaxşılaşması, əlvan metallar bazarlarında bir unsiya üzrə qızılın, 1764$-a (56.7 $/qram) kimi dəyər itirməsinə səbəb olub və sonuncu səviyyənin də qırılması ilə ucuzlaşma 1711$-a (55 $/qram) kimi davam edəcəyi proqnozlaşdırılır. 

Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.