(®️) “Ziraat Bank Azərbaycan” missiyasına sadiq qalaraq Azərbaycan iqtisadiyyatının inkişafı üçün çalışır və sosial məsuliyyəti dərk edərək dəstək proqramlarında aktiv olaraq iştirak etməyə davam edir. Proqram çərçivəsində bir çox vətəndaşa öz biznes arzusunu həyata keçirməsinə dəstək verilmişdir.

Özünüməşğulluğa cəlb edilən daha 4 sahibkar “Ziraat Bank Azərbaycan” tərəfindən dərzi fəaliyyəti ilə bağlı lazımi avadanlıqlarla təmin edilmişdir.

Xatırladaq ki, proqramın məqsədi ölkədə həssas əhali qruplarının kiçik və orta sahibkarlıq fəaliyyətinə cəlb edilməsi, yerli istehsalın artırılması, ailə biznesinin qurularaq ölkəmizin iqtisadiyyatına dəstək verilməsidir. Bu minvalla xüsusilə əhalinin həssas qruplarından olan işsiz şəxslərin məşğulluğa və kiçik biznesə çıxışına şərait yaradan özünüməşğulluq proqramında əhalinin həssas  kateqoriyalarına (əlilliyi olan şəxslər, şəhid ailəsi üzvləri, məcburi köçkünlər, aztəminatlı ailələrin üzvləri və b.) üstünlük verilir .

Bank tərəfindən bu günədək Bakı, Sumqayıt,  Salyan, Mingəçevir və digər ərazilərdə yaşayan vətəndaşlara öz işlərinin qurulmasında dəstək göstərilmişdir. 

Əlavə olaraq, “Ziraat Bank Azərbaycan” ASC Türkiyənin 157 illik tarixə malik Ziraat Maliyyə Qrupunun törəmə Bankı olaraq Azərbaycan Respublikasının Mərkəzi Bankı tərəfindən verilən 30.12.2014-cü il tarixli 255 nömrəli lisenziya əsasında fəaliyyət göstərməkdədir. Korporativ və pərakəndə bankçılıq sahəsində məhsullar və xidmətlər təklif edən “Ziraat Bank Azərbaycan” ASC-nin ölkə ərazisində yeni fəaliyyətə başlamış Əhməd Rəcəbli filialı ilə birlikdə Bakı, Gəncə və Sumqayıt şəhərlərində olmaqla 5 filialı mövcuddur. Buna əlavə, Bank qısa müddət ərzində filialların sayını 2 dəfəyə yaxın artırmağı planlaşdırır. Bank  məhsulları və xidmətləri haqqında ətraflı məlumatı *9229 Məlumat Mərkəzinə zəng edərək, www.ziraatbank.az saytına daxil olaraq əldə edə bilərsiniz.