Mənfi faizli istiqrazlarda yeni rekord

Mənfi faizli istiqrazlarda yeni rekord

Dünyada mənfi faizli istiqrazların cəmi məbləği 17,5 trilyon dollara çataraq yeni rekord qırıb.

Pandemiyadan əvvəl geriləmə qeyd edən mənfi faizli istiqrazların cəmi məbləği yeni rekord qırıb.

Marja xəbər verir ki, Bloomberg Barclays Mənfi Gəlirlilikli Borc Bazarları İndeksinə görə, mənfi faizli istiqrazların cəmi dəyəri 17,5 trilyon dollara çataraq indiyədək ən yüksək səviyyəsinə çatıb.

2019-cu ilin Avqust ayında 16 trilyon dollara çataraq rekord qıran mənfi faizli istiqrazlara tələb, pandemiya dövründə yenidən artmışdır.

Avropa ölkələri epidemiyadan əvvəl də mənfi faizli istiqrazlar emissiya etməyə başlamışdılar. Lakin epidemiyanın iqtisadiyyatlarına mənfi təsirini azaltmaq üçün tətbiq olunan qiymətli kağız alış proqramları, təşviq paketləri və digər tədbirlər ilə buraxılan istiqrazların gəlirlilikləri də gedərək düşməyə başlayıb.

Almaniya 2019-cu ilin may ayından bəri mənfi faizlə borclanır, faiz nisbəti pandemiya narahatlıqlarının ən yüksək səviyyədə olduğu 9 mart 2020-də -0.85 faiz təşkil edib.

Fransa isə Yanvar ayından sonra mənfi borclanmağa başlamışdır.

21 Yanvarda mənfi faiz sahəsinə keçən Fransa xəzinə istiqrazları 9 Marta qədər mənfi sahədə qaldıqdan sonra ani bir yüksəlişlə 0.34%-ə yüksəlmişdi. Sonradan mərhələli olaraq düşən istiqraz faizləri 20 Noyabrda -0.35%-ə geriləyib.

Sonuncu dəfə Çin ötən həftə mənfi faizli istiqraz emissiya edib. Beş illik 750 milyon avro məbləğindəki istiqraz -0.125 faizlə yerləşdirilib.