Türkiyə Mərkəzi Bankının güclü faiz artıracağı gözlənilir

Türkiyə Mərkəzi Bankının güclü faiz artıracağı gözlənilir

Türkiyə Mərkəzi Bankının pul siyasəti faizini 15%-ədək yüksəldəcəyi gözlənilir

Türkiyə Mərkəzi Bankının güclü faiz artıracağı gözlənilir

Gələn həftə Cümə axşamı günü (19 noyabrda) Türkiyə Mərkəzi Bankının(TCMB) yığıncağı keçiriləcək. Marja xəbər verir ki, mütəxəssislər bankın faizində güclü artım edəcəyini gözləyirlər.

Keçən həftə TCMB-nin yeni sədri Naci Ağbal ilk açıqlamasında qiymət sabitliyinin önəmini vurğulamışdı. Berat Albayrakın istefasının ardından Xəzinə və Maliyyə Nazirliyi vəzifəsinə təyin edilən Lütfü Elvan da maliyyə intizamı və inflyasiyaya vurğu etmişdi.

VTB-də yüksək depozit faizləri daha çox qazandırır

Türkiyə Mərkəzi Bankının, Goldman Sachs 4,75 faiz bəndi, Societe General 4 faiz bəndi, TD Securities 5,75 faiz bəndi, Medley Qlobal Advisors isə 3 faiz bəndi faiz artıracağını gözləyir.

Mütəxəssislərə görə, faizin güclü artırılması ilə Türk Lirəsindəki bahalaşma trendi davam edə bilər.

Hazırda Türkiyə Mərkəzi Bankının həftəlik repo faizi 10.25% (əsas pul siyasəti faizi), gecəlik borc faizi 11.75% və likvidlik pəncərəsi (GLP) faizi 14.75% səviyyəsindədir.

Keçən həftə 8.5153 lirə səviyyəsindən bağlanmış Dollar/TL məzənnəsi bu həftə 7.7858 lirəyə qədər geriləyib.

Ərdoğan iqtisadiyyatda yeni dövr başlayacağını bildirib

Türkiyə Preidenti Rəcəb Tayyib Ərdoğan, Partiyasının yığıncağında iqtisadiyyatda yeni dövrə işarə edərək, iqtisadi artım, sabitlik və məşğulluq üçüni bir səfərbərlik başladılacağını söyləyib. Ərdoğan, Mərkəzi Bankın yeni sədri Naci Ağbal ilə Xəzinə və Maliyyə Naziri Lütfü Elvanın atacaqları hər addımda onların yanında olacağını da vurğulayıb.

Ərdoğan, "Ölkəmizi riski az, etibarı yüksək, qazancı qənaətbəxş bir cazibə mərkəzi halına gətirməkdə qərarlıyıq. Makroiqtisadi sabitliyi təmin edəcəyik. Biznes və sərmayə mühitini daha cazibədar etmək istəyirik. İqtisadi rəhbərlik beynəlxalq sərmayəçilər ilə yaxın əlaqədə olacaq. Struktur islahatları davam edəcək",- ifadələrini istifadə edib.

12.11.2020 10:20

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az