"Biz onların cavabını döyüş meydanında veririk"

"Biz onların cavabını döyüş meydanında veririk"

“Bu gün Ermənistanın faşist rəhbərliyi növbəti hərbi cinayət törədib. Gəncə və Mingəçevir şəhərləri raket atəşinə məruz qalıb. Bu namərd atəş nəticəsində soydaşlarımız həlak olub, yaralanıb”.

Bunu Prezident İlham Əliyev bu gün xalqa müraciətində deyib.

Dövlət başçısı Allahdan bütün şəhidlərimizə rəhmət, yaralı soydaşlarımıza şəfa diləyib:

“Bu bir daha Ermənistan rəhbərliyinin faşist mahiyyətini göstərir. Birinci dəfə deyil ki, bizim şəhərlərimiz atəşə məruz qalır. Demək olar ki, hər gün Ağdam, Tərtər, Goranboy, Ağcabədi və digər şəhərlərə Ermənistan atəş açır, bu atəş nəticəsində vətəndaşlarımız həlak olur, yaralanır, 2000-dən çox ev dağıdılıb ya da ki, bu evlərə çox böyük ziyan dəyib. Ancaq bu namərd hərəkətlər Azərbaycan xalqının iradəsini qıra bilməz, sındıra bilməz. Ermənistan rəhbərliyi hərbi cinayət törədir. Dinc əhaliyə atəş açmaq, özü də əməliyyat raket kompleksləri vasitəsilə atəş açmaq hərbi cinayətdir. Və onlar bu cinayətə görə məsuliyyət daşımalıdırlar və daşıyacaqlar. Biz onların cavabını döyüş meydanında veririk. Şəhidlərimizin, günahsız insanlarımızın qisasını döyüş meydanında alırıq, və alacağıq".

“Biz heç vaxt mülki əhaliyə qarşı müharibə aparmamışıq, bundan sonra da aparmayacağıq, biz ermənilər deyilik”

Dövlət başçısı bildirib ki, biz heç vaxt mülki əhaliyə qarşı müharibə, mübarizə aparmamışıq, bundan sonra da aparmayacağıq:

“Biz ermənilər deyilik. Bizim öz yolumuz var, bizim öz amalımız var və bu amal ətrafında bütün Azərbaycan xalqı birləşib və bütün Azərbaycan xalqı həmrəylik, vətənpərvərlik göstərir. Gedən döyüşlərdə müzəffər Azərbaycan Ordusu düşmənləri bizim torpağımızdan qovur və qovacaq. Mən demişəm ki, öz xoşu ilə bizim torpaqlarımızdan çıxmasalar, biz onları iti qovan kimi qovacağıq. Və qovuruq və hər gün müzəffər Azərbaycan Ordusu yeni strateji məntəqələri, yeni yüksəklikləri, yeni yaşayış məntəqələrini işğalçılardan azad edir. Bizim qisasımız döyüş meydanındadır”.

17.10.2020 11:15

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az