Qırğızıstanda etirazçılar həbsdə olan sabiq prezidenti azad ediblər

Qırğızıstanda etirazçılar həbsdə olan sabiq prezidenti azad ediblər

Qırğızıstanda etirazçılar həbsdə olan sabiq prezidenti azad ediblər

Qırğızıstanda etirazçılar dövlət administrasiyasının da yerləşdiyi parlament binasını ələ keçiriblər.

Bu barədə “TASS” agentliyinin hadisə yerində olan müxbiri bildirib.

VTB-də yüksək depozit faizləri daha çox qazandırır

Məlumata görə, hüquq-mühafizə orqanlarının əməkdaşları ilə iki saatlıq qarşıdurmadan sonra etirazçılar Qırğızıstanın dövlət başçısı administrasiyasının da yerləşdiyi binanın yaxınlığındakı hasarlanmış əraziyə keçməyə nail olublar. Mühafizəçilər ərazidən uzaqlaşıblar.

Parlament seçkilərinin nəticələri ilə razılaşmayan etirazçılar daha sonra Qırğızıstanın paytaxtındakı Milli Təhlükəsizlik üzrə Dövlət Komitəsinin (MTDK) İstintaq Təcridxanasının binasına girərək orada həbsdə olan keçmiş prezident Almazbek Atambayevi sərbəst buraxıblar.

Etirazçılar bunun üçün təcridxananın qapılarını sındırıblar. Xüsusi təyinatlılar da Atambayevin və onun tərəfdarlarının sərbəst buraxılmasını tələb edən etirazçılara qoşulublar.

Xatırladaq ki, A.Atambayev 2019-cu ilin avqustunda tutulub və o vaxtdan bəri MTDK-nin İstintaq Təcridxanasında saxlanılırdı. Ona qarşı korrupsiya və kütləvi iğtişaşların təşkili kimi bir sıra ittihamlar irəli sürülmüşdü. A.Atambaev 2011-2017-ci illərdə Qırğızıstana rəhbərlik edib.

Qırğızıstan parlamentinin binasında yanğın törədilib

Qırğızıstanın paytaxtı Bişkekdə etirazçılar tərəfindən ələ keçirilən və dövlət administrasiyasının da yerləşdiyi parlament binasında yanğın törədilib.

Bu barədə hadisə yerində olan “TASS”-ın müxbiri bildirib.

Məlumata görə, yanğın binanın dördüncü mərtəbəsindəki ofislərdən birində qeydə alınıb. Binanın bu mərtəbəsində qanunvericilik orqanı işçilərinin otaqları yerləşir.

Qeyd edək ki, bundan bir qədər əvvəl etirazçılar respublikanın ali qanunverici orqanın binasını talan ediblər. Bu barədə “24.kg” xəbər agentliyi məlumat verib.

06.10.2020 08:31