EUR.

Beynəlxalq valyuta birjalarında EUR/USD məzənnəsi 1.18$-ın üzərində ticarət edilir və 1.19$-ın qırılması ilə güclü bahalaşma dalğası başlaya bilər.

Bununla yanaşı, cümə günü Bakı vaxtı ilə saat 12:00-da açıqlanacaq Avrozonanın istehsal və xidmət sektorlarına dair önəmli fundamental göstəricilər də investorların diqqət mərkəzindədir.

GBP.

GBP/USD məzənnəsi də 1.30$-ın üzərində ticarət edilir və 1.31$-ın qırılması ilə burada da güclü bahalaşma dalğası başlaya bilər.

Cümə günü saat 12:30-da İngiltərənin istehsal və xidmət sektorları ilə bağlı da önəmli fundamental göstəricilərin yayımlanması gözlənilir.

TRY.

USD/TRY məzənnəsi isə tarixi rekord səviyyələrini yeniləməkdə davam edir. 7.36TL-nin üzərində dalğalanan məzənnə, 7.56TL-yə kimi də bahalaşa bilər. TCMB-nin faizlərini azaltması, inflyasiyanın yüksək olması və dövlət borcunun artması, lirəyə təzyiq edən əsas amillərdir.

Cümə axşamı TCMB faiz qərarına yenidən baxacaqdır və saat 15:00-da yeni qərar dərc ediləcəkdir.

OIL.

Foreks bazarlarında dolların ucuzlaşması, enerji birjalarında neftin də 45$-ın üzərində dalğalanmasına əsas yaradır. Bir barel üzrə qiymət 45$-ın üzərində möhkəmlənərsə, 43$-a kimi dəyər qazana bilər.

Çərşənbə günü saat 18:30-da dərc ediləcək ABŞ-ın neft və benzin ehtiyatları ilə göstəricilər də treyderlərin diqqət mərkəzindədir. 

GOLD.

Əlvan metallar bazarlarında qızılın qiyməti 1928$-da dəstək görməkdədir. Bir unsiya üzrə qiymət cari həftə ərzində 1950$-ın (62.7 $/qram) üzərində möhkəmlənərsə, 1995$-a (64.2 $/qram) kimi dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.