Ərəb ölkələrində koronavirusa yoluxanların sayı artır

Ərəb ölkələrində koronavirusa yoluxanların sayı artır

Ərəb ölkələrində koronavirusa yoluxanların sayı artır

Ərəb ölkələrində COVID-19-a yoluxanların sayı artmaqda davam edir.

Son sutka ərzində ən çox yoluxma Səudiyyə Ərəbistanında qeydə alınıb. Krallıqda daha 3 min 383 nəfər yeni növ koronavirusa yoluxub, 54 xəstə isə dünyasını dəyişib. Bu ölkənin Səhiyyə Nazirliyi bildirib ki, yoluxma halları 198 min, vəfat edənlərin sayı isə 1752 nəfərə çatıb. Həfuf və Məkkə şəhərlərində daha çox insan COVID-19-a yoluxub.

VTB-də yüksək depozit faizləri daha çox qazandırır

Misirin Səhiyyə Nazirliyi son sutkada daha 1485 nəfərin COVID-19-a yoluxduğunu, 86 nəfərin isə vəfat etdiyini bildirib. Artıq ölkədə yoluxma halları 71 mini keçib, həyatını itirənlərin sayı 3120 nəfərdir.

Birləşmiş Ərəb Əmirliklərində də iyulun 2-də yeni növ koronavirusa yoluxanların sayı (400 nəfər) artıb, bir pasiyent vəfat edib. İndiyədək bu ölkədə 50 minə yaxın insan COVID-19-a yoluxub, 317 nəfər vəfat edib.

Əhalisinin sayı daha az olan Küveytdə isə son sutka ərzində rekord sayda – 919 yoluxma qeydə alınıb. Bu ölkənin Səhiyyə Nazirliyi bildirib ki, indiyədək 9 mindən çox insan yeni növ koronavirusa yoluxub, 359 xəstə vəfat edib.

Daha bir ərəb ölkəsi – Omanda son sutkada 1361 nəfər COVID-19-a yoluxub, indiyədək yoluxanların sayı isə 43 minə çatıb. Ölkənin Səhiyyə Nazirliyi bugünədək karantin xəstəxanalarında 188 nəfərin vəfat etdiyini bildirib.

Son sutka ərzində Qətərdə 915 yoluxma qeydə alınıb, iki nəfər vəfat edib. QNA xəbər agentliyinin məlumatına görə, COVID-19-a yoluxanların ümumi sayı 13 min nəfərə çatıb, 115 xəstə vəfat edib.

Azərtac

03.07.2020 09:57

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az